Guntur Karam: సూపర్ స్టార్ మహేష్ బాబు ప్రస్తుతం త్రివిక్రమ్ దర్శకత్వంలో సినిమా చేస్తున్న సంగతి తెలిసిందే. “గుంటూరు కారం” టైటిల్ పేరిట షూటింగ్ జరుపుకుంటున్న ఈ సినిమా వచ్చే ఏడాది సంక్రాంతి పండుగకు విడుదల కాబోతోంది. ఆల్రెడీ త్రివిక్రమ్ దర్శకత్వంలో మహేష్ గతంలో నటించిన అతడు, ఖలేజా సినిమాలు అభిమానులను ఎంతగానో అలరించాయి.
దీంతో వీరి కాంబినేషన్ లో రాబోతున్న మూడో సినిమా “గుంటూరు కారం” పై భారీ అంచనాలు ఏర్పడ్డాయి. ఈ సినిమాకి సంబంధించి విడుదలైన స్టిల్స్ మరియు వీడియోలు సినిమాపై ఉన్న కొద్ది హైప్ పెంచేస్తున్నాయిచాలా కాలం తర్వాత మహేష్ సినిమా కోసం స్మోకింగ్ చేయడం సంచలనంగా మారింది. ఇదిలా ఉంటే ఈ సినిమాకి సంబంధించి సరికొత్త న్యూస్ ఇండస్ట్రీలో వైరల్ అవుతూ ఉంది. అదేమిటంటే సినిమాలో మహేష్ బాబు డ్యూయల్ రోల్ లో కనిపించబోతున్నట్లు వార్తలొస్తున్నాయి.
పాతకాలం నాటి ఫ్లాష్ బ్యాక్ తరహాలో మహేష్ బాబుని.. త్రివిక్రమ్ చూపించనున్నారని.. ఈ పాత్ర కచ్చితంగా సినిమాకి హైలైట్ కాబోతుందని ఇండస్ట్రీ వర్గాలు అంటున్నాయి. ఫ్యాన్స్ కి నచ్చే రీతిలో పూనకాలు తెప్పించే విధంగా… ఆ పాత కాలం నాటి మహేష్ పాత్ర ఫుల్ మాస్..తో కూడినదని సమాచారం. సినిమాలో మహేష్ చేయబోయే రెండు పాత్రలు.. కామెడీ హ్యూమర్ పండిస్తూనే మరోపక్క పవర్ ఫుల్ పంచ్ లుతో కూడిన హైఓల్టేజ్ యాక్షన్ తెరపై పండిస్తాయని సమాచారం.
ఈ సినిమా తర్వాత నెక్స్ట్ సంచలన ప్రెస్టేజ్ ప్రాజెక్టు రాజమౌళిది మొదలు కాబోతోంది. రాజమౌళి సినిమా మొదలయింది అంటే మళ్ళీ విప్పట్లో మహేష్.. ఖాళీగా దొరకడు. ఇలాంటి సమయంలో మహేష్ గురించి మరో వార్త ఇండస్ట్రీలో వైరల్ అవుతుంది. అదేమిటంటే మరో సినిమాలో మహేష్ క్యామియో రోల్ చేయటానికి రెడీ అయ్యారట.
ఓ పెద్ద సినిమాలో స్పెషల్ రోల్ కోసం.. మహేష్ బాబుని సంప్రదించగా పాత్ర బాగున్న నేపథ్యంలో ఓకే చెప్పినట్లు ఫిలింనగర్ టాక్. ఈ విషయంపై త్వరలో అధికారిక ప్రకటన రానుంది అంట. ప్రస్తుతం త్రివిక్రమ్ సినిమా షూటింగ్ జెట్ స్పీడ్ లో జరుగుతుంది. దసరా పండుగకు సినిమా నుండి స్పెషల్ వీడియో రిలీజ్ చేయడానికి మేకర్స్ రెడీ అవుతున్నారు. ఈ సినిమాపై ఫోకస్ చేస్తూనే మరో పక్క రాజమౌళి సినిమాకి మహేష్ అన్ని రకాలుగా సిద్ధమవుతున్నారట.