Ravi Teja: టాలీవుడ్ ఇండస్ట్రీలో సూపర్ హిట్ సినిమాలకు సెంటిమెంట్ గా మారిన రవితేజ వాయిస్..!!

Ravi Teja: తెలుగు చలనచిత్ర రంగంలో మాస్ మహారాజు రవితేజ గురించి ప్రత్యేకంగా చెప్పనవసరం లేదు. 1990 నుండి సినిమా ఇండస్ట్రీలో పరానించడం జరిగింది. కెరియర్ ప్రారంభంలో అసిస్టెంట్ డైరెక్టర్గా ఇంకా పలు సినిమాలలో చిన్న చిన్న పాత్రలు చేయడం జరిగింది. అల్లరి ప్రియుడు ఇంక నిన్నే పెళ్ళాడుతా వంటి సినిమాలలో సపోర్టింగ్ రోల్ పాత్రలు చేసి అందరి దృష్టిని ఆకర్షించాడు. ఆ రకంగా నటుడిగా గుర్తింపు పొంది 1999లో “నీ కోసం” సినిమాతో.. హీరోగా నటించడం జరిగింది. మొదటి సినిమాతోనే నంది స్పెషల్ జూరి అవార్డు అందుకున్నాడు. తర్వాత ఇట్లు శ్రావణి సుబ్రహ్మణ్యం, ఇడియట్ సినిమాలతో యూత్ లో బాగా పాపులారిటీ సంపాదించాడు. రవితేజ కెరీర్ ని “ఇడియట్” సినిమా ఒక్కసారిగా మార్చేసింది.

అప్పటినుండి ఇప్పటివరకు మాస్ మరియు అన్ని వర్గాల ప్రేక్షకులను అలరిస్తూ రవితేజ సినిమాలు చేస్తున్నారు. తెలుగు చలనచిత్ర రంగంలో స్వయంకృషితో ఎదిగిన హీరోలలో చిరంజీవి తర్వాత రవితేజ యే అని చెప్పవచ్చు. తెలుగు చలనచిత్ర రంగంలో తనకు ఎలాంటి సపోర్ట్ బ్యాక్ గ్రౌండ్ లేకపోయినా గాని.. మొదటినుండి చాలా కష్టపడి నిరంతరం పనిచేస్తూ.. ఇప్పుడు ఇండస్ట్రీ బాక్స్ ఆఫీస్ వద్ద తనకంటూ సెపరేట్ మార్కెట్ క్రియేట్ చేసుకున్నారు. రవితేజ తో సినిమాలు అంటే నిర్మాత ఎప్పుడు చాలా సేఫ్ జోన్ లో ఉంటాడు. ఎందుకంటే.. సినిమాకి పెట్టిన పెట్టుబడి కచ్చితంగా వచ్చేస్తాయి. ఒకవేళ నిర్మాత నష్టపోతున్నాడు అంటే రవితేజ.. డబ్బులు వదిలేసుకున్న సందర్భాలు కూడా ఉన్నాయి. అటువంటి మాస్ మహారాజ రవితేజ.. హీరో గానే కాదు వాయిస్ ఇస్తూ కూడా విజయాలలో భాగమవుతున్నారు.

రవితేజ పలు సినిమాలకు వాయిస్ ఇవ్వగా.. ఆ సినిమాలు టాలీవుడ్ బాక్సాఫీస్ వద్ద సూపర్ డూపర్ హిట్ అయ్యాయి. ఎస్ఎస్ రాజమౌళి దర్శకత్వంలో సునీల్ హీరోగా నటించిన “మర్యాద రామన్న”లో సైకిల్ కి రవితేజ వాయిస్ ఇవ్వటం జరిగింది. ఆ సినిమా సూపర్ విజయం సాధించింది. “మగధీర” తర్వాత సునీల్ తో చేసి రాజమౌళి హిట్ అందుకోవడం జరిగింది. ఇక అదే విధంగా “AWE”లో బోన్సాయ్ ప్లాంట్, “మహావీరుడు”లో మైండ్, “హనుమాన్”లో కోతి పాత్రలకు వాయిస్ ఇవ్వడం జరిగింది. ఈ సినిమాలన్నీ కూడా సూపర్ డూపర్ హిట్ అయ్యాయి. ఈ సంక్రాంతి పండుగ సమయంలో విడుదలైన అన్ని సినిమాలలో “హనుమాన్” అతి పెద్ద విజయం సాధించింది. దీంతో రవితేజ వాయిస్ టాలీవుడ్ ఇండస్ట్రీలో సెంటిమెంట్ గా మారింది.