రెజీనా కసాండ్రా, నివేదా థామస్ ప్ర‌ధాన పాత్ర‌ల్లో తెర‌కెక్కిన తాజా చిత్ర‌మే `శాకిని డాకిని`. టాలెంటెడ్ డైరెక్ట‌ర్ సుధీర్ వర్మ తెర‌కెక్కించిన ఈ చిత్రాన్ని సురేష్ ప్రొడక్షన్స్, గురు ఫిలింస్, క్రాస్ పిక్చర్స్ బ్యానర్‌లపై దగ్గుబాటి సురేష్ బాబు, సునీత తాటి, థామస్ కిమ్ నిర్మించారు.
కొరియన్ మూవీ `మిడ్ నైట్ రన్నర్స్`కు రీమేక్ గా రూపుదిద్దుకున్న ఈ ఫ‌న్ అండ్ యాక్షన్ థ్రిల్ల‌ర్ నేడు అట్ట‌హాసంగా ప్రేక్ష‌కుల ముందుకు రాబోతోంది. పోలీస్ అకాడమీ బ్యాక్ డ్రాప్ లో ఈ మూవీని తెర‌కెక్కించారు. ఇందులో పాష్ గర్ల్ గా రెజీనా, లోక‌ల్ అమ్మాయిగా నివేదాలు క‌నిపించ‌బోతున్నారు. పోలీస్ అకాడమీలో ట్రైనింగ్ తీసుకునేందుకు ఈ ఇద్ద‌రు అమ్మాయిలు జాయిన్ అవుతారు.
కానీ, ఒకరంటే ఒక‌రికి అస్స‌లు ప‌డ‌దు. అలాంటిది వీరిద్దరూ కలిసి ఓ అమ్మాయిని కాపాడాల్సి వస్తుంది. ఈ క్రమంలో వారికి ఎలాంటి ప‌రిస్థితులు ఎదుర‌య్యాయి..? వాటిని రెజీనా-నివేదా ఎలా ఎదుర్కొన్నారు..? అన్న‌దే ఈ సినిమా క‌థ అని ఇప్ప‌టికే బ‌య‌ట‌కు వ‌చ్చిన ట్రైల‌ర్, టీజ‌ర్ ద్వారా తేలిపోయింది. మేక‌ర్స్ కూడా ప్ర‌చార కార్య‌క్ర‌మాల‌తో ఈ సినిమాపై మంచి బ‌జ్‌ను క్రియేట్ చేశారు.
ఇదిలా ఉంటే.. తాజాగా ఈ సినిమాకు సంబంధించిన ఓ యాక్షన్ సీన్ షూటింగ్ కోసం ప్రాక్టీస్ చేసిన వీడియోను రెజీనా తన ఇన్‌స్టాగ్రామ్‌ వేదికగా షేర్ చేసింది. ఇందులో విలన్లను రెజీనా, నివేదాలు వేరె లెవ‌ల్‌లో చితక్కొడుతున్నారు. హీరోల‌కు ఏ మాత్రం తీసిపోని విధంగా రెజీనా, నివేదాలు ఫైట్ సీన్స్‌లో ఇర‌గ‌దీశారు అన‌డంలో ఎటువంటి సందేహం లేదు. గూస్ బంప్స్ తెప్పిస్తున్న ఈ వీడియో ఇప్పుడు నెట్టింట తెగ వైర‌ల్ అవుతోంది. మ‌రి `శాకిని డాకిని` మూవీతో ఈ ఇద్ద‌రు ముద్దుగుమ్మ‌లు ఎలాంటి ఫ‌లితాన్ని అందుకుంటారో చూడాలి.
https://www.instagram.com/reel/CifWD4rtumX/?utm_source=ig_web_copy_link
Siri Hanumanthu: సిరి కి ఆఫర్లు కోసం అటువంటి పనులు చేసేది.. బుల్లితెర నటుడు నూకరాజు ఇంట్రెస్టింగ్ కామెంట్స్..!