టాలీవుడ్ రౌడీ బాయ్ విజ‌య్ దేవ‌ర‌కొండ గ‌త కొంత కాలం నుంచి వ‌రుస ఫ్లాపుల‌తో స‌త‌మ‌తం అవుతున్నాడు. 2018లో విడుద‌లైన `గీత గోవిందం` త‌ర్వాత విజ‌య్ ఖాతాలో స‌రైన హిట్టే ప‌డ‌లేదు. రీసెంట్‌గా ఈయ‌న `లైగ‌ర్` మూవీతో ప్రేక్ష‌కుల‌ను ప‌ల‌క‌రించాడు. డైన‌మిక్ డైరెక్టర్ పూరి జ‌గ‌న్నాథ్ ఈ మూవీని తెర‌కెక్కించారు.
ఇందులో బాలీవుడ్ బ్యూటీ అన‌న్య పాండే హీరోయిన్‌గా న‌టించింది. బాక్సింగ్ బ్యాక్‌డ్రాప్‌లో రూపుదిద్దుకున్న ఈ చిత్రం ఆగ‌స్టు 25న పాన్ ఇండియా స్థాయిలో విడుద‌లై బాక్సాఫీస్ వ‌ద్ద ఘోరంగా బోల్తా ప‌డింది. ఈ మూవీ ద్వారా విజ‌య్ ఖాతాలో మ‌రో బిగ్ డిజాస్ట‌ర్ వచ్చింది. దీంతో ఇప్పుడు ఈయ‌న ఆశ‌ల‌న్నీ `ఖుషి` మీదే పెట్టుకున్నాడ‌ట.
క‌శ్మీర్ బ్యాక్ డ్రాప్‌లో విభిన్న‌మైన ప్రేమ‌క‌థ‌తో రూపొందుతున్న ఈ చిత్రానికి శివ‌నిర్వాణ ద‌ర్శ‌క‌త్వం వ‌హిస్తున్నారు. ఇందులో టాలీవుడ్ టాప్ హీరోయిన్‌గా సత్తా చాటుతోన్న సమంత హీరోయిన్‌గా న‌టిస్తోంది. జ‌య‌రాం, స‌చిన్ ఖేడ్క‌ర్‌, రాహుల్ రామ‌కృష్ణ, వెన్నెల కిషోర్ త‌దిత‌రులు ఇందులో కీల‌క పాత్ర‌ల‌ను పోషిస్తున్నారు.
శ‌ర‌వేగంగా షూటింగ్ జ‌రుపుకుంటున్న ఈ చిత్రం.. డిసెంబ‌ర్ 23న రిలీజ్ కానుంది. తెలుగుతో పాటు త‌మిళం, మ‌ల‌యాళం, క‌న్న‌డ భాష‌ల్లో ఈ సినిమాను విడుద‌ల చేయబోతున్నారు. ఈ మూవీతో అయినా హిట్ కొట్టి స‌క్సెస్ ట్రాక్ ఎక్కాల‌ని విజ‌య్ తెగ తాప‌త్రాయ ప‌డుతున్నాడ‌ట. అంతేకాదు, ఇకపై తన పూర్తి శ్రద్ద ఖుషిపైనే పెట్టాలని డిసైడ్ అయ్యాడ‌ట. ఈ నేప‌థ్యంలోనే విజ‌య్ దేవరకొండను స‌మంత‌నే కాపాడాలంటూ నెటిజ‌న్లు అభిప్రాయ‌ప‌డుతున్నారు.
Samantha: వామ్మో.. `ఖుషి` మూవీకి సమంత అన్ని కోట్లు డిమాండ్ చేసిందా?
Kushi: విజ‌య్‌తో అలాంటి సీన్ చేయ‌డానికి సమంత ఒకే చెబుతుందా..?
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!