Television Show December 9, 2023: రమ్య కృష్ణ నటించిన ఏకైక సీరియల్ నాగ భైరవి, ఇది జీ 5 లో ప్రసారమైన సీరియల్ ఇందులో ముఖ్య పాత్రలో ‘కృష్ణ ముకుంద మురారి’ ఫేమ్ యాష్మి గౌడ ‘మల్లి నిండు జాబిలి’ ఫేమ్ పవన్ నటించారు. అయితే అక్టోబర్ 2020 లో మొదలైన ఈ సీరియల్ కేవలం 270 ఎపిసోడ్స్ తరువాత ముగింపు కార్డు చూడాల్సివొచ్చింది. భారీ బడ్జెట్ అద్బుతమైన గ్రాఫిక్స్ ఉన్నప్పటికీ ఈ సీరియల్ అంత త్వరగా ఎందుకు ఆగిపోయింది?
వీరాంజనేయులు దర్శకత్వంలో అన్నపూర్ణ స్టూడియోస్ లో నిర్మించిన నాగ భైరవి సీరియల్ విడుదలైన సమయం లో అందరి మెప్పు పొందింది. భారీ బడ్జెట్ తో తీసిన ఈ సీరియల్ ప్రోమో విడుదలైనప్పుడు తెలుగు సీరియల్స్ లో ఇదివరకు లేని అద్భుత గ్రాఫిక్స్ తో అందరి ఆసక్తి పొంది మంచి సక్సెస్ వస్తుంది అనేలా చేసింది. కానీ తీరా చూస్తే 270 ఎపిసోడ్స్ తరువాత ఆగిపోయింది.
బడ్జెట్ మొదటి కారణం
నాగ భైరవి సీరియల్ ప్రోమో లో రమ్య కృష్ణ మనకు కనిపించింది. సీరియల్ కథను వివరిస్తూ ముఖ్య పాత్రలు అందరికి పరిచయం చేస్తూ ప్రోమో లో సాంప్రదాయంగా నిండుగా కనిపించి అందరి మనసులు దోచుకుంది. బాహుబలి తరువాత ఇలాంటి గ్రాఫిక్స్ ఉన్న సీరియల్ లో రమ్య కృష్ణ నటిస్తుంది, రోజు టీవీ లో మన శివగామినిని చూసుకోవచ్చు అని అందరూ అనుకున్నారు. కానీ చివరికి తెలిసింది ఏమిటి అంటే రమ్య కృష్ణ కేవలం ప్రోమో కోసం అతిధి పాత్రలో కనిపించింది, సీరియల్ కథలో తనకి ఎలాంటి పాత్ర లేదు అని.
రమ్య కృష్ణ సంగతి పక్కన పెడితే నాగ భైరవి సీరియల్ లో మనకు కనిపించిన వారంతా అప్పటికే బుల్లి తెరలో చాలా డిమాండ్ ఇంకా పాపులారిటీ ఉన్న నటులు దానితో పాటు గ్రాఫిక్స్ కోసం మంచి టెక్నికల్ టీం ఇలా ప్రొడ్యూసర్లు బానే ఖర్చు పెట్టాల్సి వచ్చింది. ఇంత ఖర్చు పెట్టినప్పటికీ సీరియల్ విడుదలైన తరువాత అంతగా ఆధరణ పొందలేకపోయింది, దీనితో అంత బడ్జెట్ పెట్టడం కష్టం అయింది. మాములు సీరియల్ అయితే ఖర్చు తక్కువ ఉంటుంది, మొదట్లో ఆధరణ లేకపోయినా తరువాత కథలో మార్పులు చేసి సీరియల్ నడిపించవొచ్చు. కానీ బడ్జెట్ ఎక్కువ ఉన్న సీరియల్స్ తో ఇలా చేయడం కష్టం.
Naga Panchami: పంచమిని దీర్ఘసుమంగళీభవ అని దీవిస్తున్న నాగ సాధువు..
డైరెక్షన్ డిపార్ట్మెంట్ కి ప్రొడ్యూసర్స్ కి మధ్య విబేధాలు కూడా వచ్చాయి, సీరియల్ ఆగిపోవడానికి ఇది కూడా ఒక కారణం. నాగ భైరవి సీరియల్ ఆపేసి ప్రొడ్యూసర్లు తప్పు చేసారు అనే చెప్పాలి, ఎందుకంటే కథ అప్పుడే ఇంట్రెస్టింగ్ గా మలుపు తిరిగింది ఆడియన్స్ కూడా ఇష్టపడటం మొదలుపెట్టారు. షో ఆగిపోయిన తరువాత చాలా మంది అంతర్జాలంలో ఎందుకు ఆపేసారు, ఫ్లాష్ బ్యాక్ స్టోరీ చూపించాల్సింది, అర్ధాంతరంగా అనవసరంగా ఆపేసారు అని జీ 5 ని అడిగారు. ఏది ఏమైనా ఇలాంటి గ్రాఫిక్స్ తో మంచి టెక్నికల్ సీరియల్స్ కొత్తవి రావాలని రమ్య కృష్ణ సీరియల్స్ తీయాలని అందరి కోరిక.