The Family Star: విజయ్ దేవరకొండ హీరోగా “ది ఫ్యామిలీ స్టార్” తెరకెక్కిన సంగతి తెలిసిందే. ఏప్రిల్ 5వ తారీఖు ఈ సినిమా విడుదల కాబోతుంది. విజయ్ దేవరకొండ సరసన మృణాల్ ఠాకూర్ హీరోయిన్ గా నటించింది. ఈ సినిమాని శ్రీ వెంకటేశ్వర క్రియేషన్స్ బ్యానర్ పై దిల్ రాజు, శిరీష్ నిర్మించడం జరిగింది. ఈ క్రమంలో విడుదల తేదీ దగ్గర పడుతుండటంతో మ్యూజిక్ ప్రమోషన్ స్టార్ట్ చేసిన మేకర్స్ బుధవారం ఫస్ట్ సాంగ్ రిలీజ్ చేయడం జరిగింది. “నంద నందనా” పల్లవితో మొదలైన ఈ సాంగ్ ను గోపి సుందర్ కంపోజ్ చేయగా సిద్ శ్రీరామ్ పాడిన విధానం స్పెషల్ ఎట్రాక్షన్ గా నిలిచింది.
“ఏమిటిది చెప్పి చెప్పినట్టుగా… ఎంత చెప్పిందో, సూచనలు ఇచ్చే ఇవ్వనట్టుగా… ఎన్నెన్నిచ్చిందో.. హృదయాన్ని గిచ్చి గిచ్చిక.. ప్రాణాన్ని గుచ్చి గుచ్చక.. చిత్రంగా చెక్కింది దేనికో..” సాంగ్ లో లిరిక్స్ అదరగొట్టాయి. జానీ మాస్టర్ కొరియోగ్రఫీ అందించిన ఈ సాంగ్ హైదరాబాదులో చార్మినార్ పలు లొకేషన్స్ తో పాటు మెట్రో ట్రైన్ లో షూట్ చేయడం జరిగింది. కచ్చితంగా ఈ సాంగ్ సినిమాకి చాలా ప్లస్ అవుతుందని నెటిజన్స్ కామెంట్స్ చేస్తున్నారు. విజయ్ దేవరకొండ కెరియర్ లో “గీతగోవిందం” సూపర్ హిట్ సినిమా అని అందరికీ తెలుసు.
2018లో వచ్చిన ఈ సినిమా విజయ్ దేవరకొండకి అమ్మాయిలలో బీభత్సమైన ఫ్యాన్ ఫాలోయింగ్ పెంచడం జరిగింది. మళ్లీ ఇప్పుడు వీరిద్దరి కాంబినేషన్ లో వస్తున్నాయి రెండో సినిమా “ది ఫ్యామిలీ స్టార్” పై అభిమానులలో భారీ అంచనాలు నెలకొన్నాయి. వరుసపరాజయాలలో ఉన్న విజయ్ దేవరకొండ గత ఏడాది “ఖుషి” సినిమాతో మంచి విజయాన్ని తన ఖాతాలో వేసుకోవడం జరిగింది. ఈ సినిమా కూడా “ఖుషి” తరహా జోనర్ రొమాంటిక్ ఎంటర్టైనర్ తరహాలో తెరకెక్కించినట్లు వీడియోలు సాంగ్స్ బట్టి తెలుస్తోంది.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!