Vyuham Web Series Review: ఆక్సిడెంట్ కాదు హిట్ అండ్ రన్ కేసు అని కంప్లైంట్ ఇచ్చిన వ్యక్తి…ఐపీఎస్ అర్జున్ రామచంద్ర కేసు ఇన్వెస్టిగేషన్ మొదలుపెట్టిన తరువాత ట్విస్ట్ మీద ట్విస్టులతో బయటపడిన పెద్ద రహస్యం. ఉద్వేగపూరితంగా చక్కటి స్క్రీన్ ప్లేతో, సాయి సుశాంత్ లాంటి వారి నటనతో ఆహా అనిపిస్తుంది, కానీ మొత్తంగా చూస్తే ఎక్కడో ఏదో లోపం ఉన్నట్లు అనిపించే సిరీస్ వ్యూహం, పూర్తి విశ్లేషణ తో వ్యూహం వెబ్ సిరీస్ రివ్యూ.
Vyuham Web Series Review తారాగణం: సాయి సుశాంత్ రెడ్డి మరియు చైతన్య కృష్ణ మనకు లీడ్ లో కనబడుతారు, మైఖేల్ పాత్రలో చైతన్య కృష్ణ, ఐపీఎస్ అధికారి అర్జున రామచంద్ర పాత్రలో సాయి సుశాంత్. పావని గంగిరెడ్డి, ప్రీతీ అస్రాణి, రవీంద్ర విజయ్, శశాంక్ లాంటి ప్రముఖ తారాగణం తో వ్యూహం వెబ్ సిరీస్ నటనకు సంబంధించినంత వరకు మంచి పేరు తెచ్చుకుంది.
శశికాంత్ శ్రీవైష్ణవ్ పీసపాటి దర్శకత్వంలో అన్నపూర్ణ స్టూడియోస్ సుప్రియ యార్లగడ్డ నిర్మించిన వ్యూహం వెబ్ సిరీస్ అమెజాన్ ప్రైమ్ లో ప్రస్తుతానికి ట్రేండింగ్ లో ఉంది, నటీనటుల ప్రదర్శన శ్రీరామ్ మద్దూరి ఇచ్చిన బాక్గ్రౌండ్ మ్యూజిక్ వ్యూహం కి కలిసొచ్చిన అంశాలు.
కథ: 8 భాగాలుగా అమెజాన్ ప్రైమ్ లో స్ట్రీమ్ అవుతున్న వ్యూహం వెబ్ సిరీస్ కథ రాసింది ఈ సిరీస్ డైరెక్టర్ శశికాంత్ శ్రీవైష్ణవ్. కథలోకి వెళ్తే…ఎంతో రిస్క్ అని తెలిసి కూడా మంచి సంపాదన ఉండే ఉద్యోగాలు వదిలిపెట్టి సమాజం లో మార్పు కోసం ఐపీఎస్ అవుతాడు అర్జున్ రామచంద్ర, తనకు మొదటిగా ఎదురైనా క్రైమ్ కేసు అతను ఊహించని విధముగా జీవితాన్నే మార్చేస్తుంది. మైఖేల్ అనే వ్యక్తి ఒక రోజు స్టేషన్ లో ఐపీఎస్ రామచంద్రను కలిసి ఒక కంప్లైంట్ ఇస్తాడు. గర్భవతి అయినా తన భార్యకు ఆక్సిడెంట్ లో జరిగింది చెప్పి, అది ఆక్సిడెంట్ కాదు హిట్ అండ్ రన్ కేసు అని కంప్లైంట్ ఫైల్ చేస్తాడు. ఇలా ఆ కేసు విచారణ మొదలు పెట్టిన అర్జున్ ఒకదాని తరువాత మొరొక రహస్యం తెలుసుకుని వేరే కేసులకు మైఖేల్ ఇచ్చిన కంప్లైంట్ కి సంబంధం ఉంది అని తెలుసుకుంటాడు. ఇప్పుడు అర్జున్ ఈ కేసుల వెనుక ఉన్న అసలు నిజాన్ని కనుక్కుంటాడా అనేదే వ్యూహం వెబ్ సిరీస్ కథ.
Vyooham Web Series: అమెజాన్ ప్రైమ్ వీడియోలో “వ్యూహం” తెలుగు వెబ్ సిరీస్ స్ట్రీమింగ్..!!
పాజిటివ్ టాక్: కథ మొదలయ్యే విధానం చాలా ఆసక్తికరంగా ఉంటుంది, మొదటి రెండు ఎపిసోడ్స్ లో స్క్రీన్ ప్లే సస్పెన్స్ అదిరిపోతుంది, ప్రేక్షకుడిని కట్టిపడేసేలా ఉంటుంది. చాలా గ్యాప్ తరువాత మనకు కనిపించి సాయి సుశాంత్ రెడ్డి మిగిలిన నటులతో కలిసి నటన మాత్రం చించేశారు అని చెప్పాలి. శ్రీరామ్ మద్దూరి ఇచ్చిన బీజిఎమ్ మ్యూజిక్ మరో స్థాయిలో ఉంటుంది, జరుగుతున్న కథకు అనుకూలంగా మ్యూజిక్ నడుస్తూ కథలో థ్రిల్ ఇంకా సస్పెన్స్ ఉండేలా చేస్తుంది.
నెగెటివ్ టాక్: మొదటి రెండు ఎపిసోడ్స్ తరువాత కథలో పట్టు తగ్గుతుంది, చాలా కొత్త క్యారెక్ట్ర్స్ రావడంతో పటు అనవసరమైన సాగదీత చూసేవారికి ఆసక్తి తగ్గేలా చేస్తుంది, రెండు ఎపిసోడ్స్ లో చాలా బాగా చూపించిన దర్శకుడు ఆ తరువాత ఏమైందోగాని తుస్సుమనిపించేలా చేసాడు. అయితే ఇక్కడ డైరెక్టర్ కంటే ఎక్కువ తప్పు చేసింది ఎడిటర్ అని చెప్పాలి, ఎడిటర్ పని అంటే అనవసరమైన చేతను కట్ చేసి క్రిస్పీగా కథను మనకు చూపించాలి, అప్పుడు కరకరమని మనం నమిలేస్తాము, కానీ ఇక్కడ ఎడిటర్ ఆలా చేయకుండా కథను బాగా సాగదీసాడు, అయితే సినిమా కాదు కాబట్టి వెబ్ సిరీస్ కి అనుగుణంగా కథను పొడిగించాలి ఆలా అని ఏమి లేని దెగ్గర ఏదో ఉంది అన్నట్లు చూపించే ప్రయత్నం చేస్తే ఇలానే ఉంటుంది.
ఇప్పటి వరకు వ్యూహం వెబ్ సిరీస్ విశ్లేషణ చదివారు…ఇప్పుడు వ్యూహం వెబ్ సిరీస్ చూడాలా వద్దా అనే ప్రెశ్నకు సమాధానం…వ్యూహం కచ్చితంగా చూడండి కొంచెం సాగదీతను పక్కన పెడితే ఇది చక్కటి సస్పెన్స్ కూడిన థ్రిల్లర్ వెబ్ సిరీస్. న్యూస్ ఆర్బిట్ రేటింగ్ 2.5/5 స్టార్స్.
Heeramandi: హిరామండి సిరీస్ లో గోల్డ్ సీన్స్ చేయడానికి కారణం ఇదే.. అసలు నిజాలను బయటపెట్టిన సోనాక్షి సిన్హా..!