Tomato Juice : ట‌మాటాల‌ను కూర‌ల్లో వేసుకునే క‌న్నా జ్యూస్ చేసుకుని ప్రతి రోజు ఉద‌యాన్నే తాగితే ఆరోగ్యానికి చాలా మంచిది. టమాటో జ్యూస్ ఉపయోగాలు గురించి తెలుసుకుందాం.
1. బీటా కెరోటిన్, లైకోపీన్ అనే అద్భుతమైన యాంటీ ఆక్సిడెంట్లు టమాటాల్లో ఉంటాయి. వీటి కారణంగానే టమాటాలు ఎర్రని రంగులో ఉంటాయి. రోజూ టమాటా జ్యూస్ తాగడం వలన గుండె కు సంబందించిన సమస్యలు లేకుండా రక్షణ కలుగుతుంది. టమాటాల్లో ఉండే ఫైటో న్యూట్రియంట్లు,యాంటీ ఆక్సిడెంట్లు, మన శరీరంలో ఉండే కణజాలం నశించిపోకుండా రక్షిస్తాయి.
2. జీర్ణ సమస్యలతో ఇబ్బంది పడేవారు రోజూ ఒక గ్లాస్ టమాటా జ్యూస్ తాగితే సమస్య తగ్గుతుంది. ఈ జ్యూస్ తాగడం వలన తిన్న ఆహారం బాగా జీర్ణం అవుతుంది. మలబద్దకం తగ్గి విరేచనం ఇబ్బంది లేకుండా అవుతుంది. టమాటాల్లో సంవృద్ధిగా ఉండే ఫైబర్ జీర్ణ వ్యవస్థ పనితీరును మెరుగుపరుస్తుంది.
3. టమాటాల్లో సంవృద్ధిగా ఉండే ఫైటో న్యూట్రియంట్లు రక్త నాళాల్లో రక్తం గడ్డ కట్టకుండా రక్షణ కల్పిస్తాయి. దీంతో హార్ట్ స్ట్రోక్స్ వంటివి రావు.
4. టమాటాల్లో ఉండే విటమిన్ సి, లైకోపీన్, విటమిన్ ఇ, బీటాకెరోటిన్‌లు రక్తంలో ఉండే బ్యాడ్ కొలెస్ట్రాల్‌ను తగ్గేలా చేస్తాయి. మంచి కొలెస్ట్రాల్‌ను పెంచి రక్తనాళాల గోడలను దృఢంగా ఉండేలా చేస్తాయి.
5. ప్రతి రోజు టమాటా జ్యూస్‌ను తాగుతుంటే శరీరంలో నిల్వ ఉన్న విష, వ్యర్థ పదార్థాలు, శరీరంలో ఎక్కువగా ఉండే నీరు బయటికి పోతాయి. శరీరం కూడా అంతర్గతంగా కూడా శుభ్రంగా ఉంటుంది.
6. టమాటాల్లో ఉండే విటమిన్ సి, బీటా కెరోటిన్, లుటీన్ లు కంటి సమస్యలను తగ్గిస్తాయి. చూపు స్పష్టంగా మారుతుంది. శుక్లాలు వంటివి రాకుండా రక్షణ కలుగుతుంది.
7. రోజూ గంటలు,గంటలు వ్యాయామం చేసే వారికి, శారీరక శ్రమ ఎక్కువగా చేసే వారికి అవసరమైన పోషకాలను ఈ జ్యూస్ ఇస్తుంది అనడం లో సందేహమే లేదు.
