Dry Fruits: డ్రైఫ్రూట్స్ తింటే ఆరోగ్యానికి మంచిది అని అందరికీ తెలిసిందే.. ఇందులో మన శరీరానికి కావాల్సిన అనేక రకాల పోషకాలు లభిస్తాయి.. నేరుగా వీటిని తినడానికి కొంత మంది ఇష్టపడరు.. ఇలా డ్రైఫ్రూట్స్ లడ్డు తయారు చేసుకుని తింటే శరీరానికి కావాల్సిన పోషకాలు ప్రోటీన్స్ అందుతాయి…
- Read the latest news from NEWSORBIT
- Follow us on facebook , Twitter , instagram and Googlenews
డ్రైఫ్రూట్స్ లడ్డు తయారీకి కావలసిన పదార్ధాలు..
జీడి పప్పు -ఒక కప్పు, బాదం పప్పు – అర కప్పు, కర్బూజా గింజలు – పావు కప్పు, గుమ్మడి గింజలు -పావు కప్పు, ఎండు ఖర్జూరం – పావుకప్పు, బెల్లంతురుము -ఒకటిన్నర కప్పు, ఎండు కొబ్బరి పొడి – ఒకటిన్నర కప్పు, ఎండు ద్రాక్ష – రెండు టేబుల్ స్పూన్స్, యాలకుల పొడి – ఒక టీ స్పూన్, నెయ్యి – ఒక చెంచా నీళ్లు – ముప్పావు కప్పు.
- Read the latest news from NEWSORBIT
- Follow us on facebook , Twitter , instagram and Googlenews
ముందుగా ఒక కళాయి తీసుకొని అందులో నెయ్యి వేసుకొని జీడిపప్పు, బాదం, ఎండుద్రాక్ష , కర్బూజా గింజలు, గుమ్మడి గింజలు ఇలా వీటన్నింటిని ఒకదాని తర్వాత ఒకటి వేయించి పక్కన పెట్టుకోవాలి. చివరగా కొబ్బరి పొడి కూడా ఒక నిమిషం పాటు వేయించుకోవాలి. ఇప్పుడు మిక్సీ జార్ తీసుకొని వీటన్నింటినీ మెత్తగా పొడి చేసుకొని పక్కన పెట్టుకోవాలి. ఒక పాత్రలో బెల్లం తురుము నీటిని వేసి పదిహేను నిమిషాల పాటు మరిగించాలి. ఈ లడ్డు తయారీ కి ఎటువంటి బెల్లం పాకం అవసరం లేదు. అలా బెల్లం నీరు మరిగిన తరువాత ముందుగా సిద్ధం చేసుకున్న పొడిని వేసుకోవాలి. చివర్లో యాలకుల పొడి వేసి ఆఫ్ చేయలి. గోరువెచ్చగా ఉన్నప్పుడు లడ్డూలు చుట్టుకోవాలి. ఇలా తయారు చేసుకున్న లడ్డూలు 10 రోజుల పాటు నిల్వ ఉంటాయి. రోజుకు ఒకటి చొప్పున ఈ లడ్డూలను తీసుకోవడం వల్ల రక్తహీనత సమస్య తగ్గుతుంది. పిల్లలకు జ్ఞాపక శక్తి పెరుగుతుంది. చర్మం నిగారింపు సంతరించుకునేలా చేస్తుంది.