Behaviour: మనిషి లో ఈ గుణం ఉండడం చాలా ప్రమాదకరం??

Share

Behaviour:  ఎవరు మటుకు వారు తమకు అహంభావం అనేది అసలు  ఏమాత్రం లేదని…  ఎదుటివారికి మాత్రం చాలా  అహంభావం   ఉందని అనుకోవడం  చాలా సహజం. అహంభావం అనేది ఎవరికి వున్నా కూడా అది అనర్థాలకు  కారణం అవుతుంది అని గుర్తు పెట్టుకోవాలి. అహంభావాన్ని ప్రదర్శించి మంచి ప్రయోజనాన్ని పొందిన వారంటూ ఎవరూ లేరు అనేది ఎప్పుడు మరువకూడదు.
అహంభావంతో  కష్టనష్టాలు వచ్చిపడతాయి .. ఒక్కోసారి ప్రాణాల మీదకు కూడా  వస్తుంది.  అందుకు మంచి ఉదాహరణ పరీక్షిత్తు మహారాజు కథ మనకు కనిపిస్తుంది.

‘కలి’ పురుషుడు బంగారం లో ప్రవేశించడానికి  అవకాశం ఇచ్చిన పరీక్షిత్తు, ఆ విషయాన్ని మర్చిపోయి బంగారు  కిరీటాన్ని ధరించి వేటకు వెళ్ళాడు. కలిపురుషుడు ప్రభావం తో  పరీక్షిత్తు లో  అహంభావం కమ్ముకుంటుంది. అడవిలో  వేటకు వెళ్లిన  ఆయనకు విపరీతమైన  దాహం వేస్తుంది. దాహం తీర్చుకోవడానికి గాను జలాశయం కోసం వెతుకుతున్న పరీక్షిత్తు  కి, ధ్యానంలో ఉన్న శమీక మహర్షి ని చూడటం జరుగుతుంది. తనకు చాలా  దాహం వేస్తుంది అని దాహం చేర్చవలసిందిగా ధ్యానం లో ఉన్న శమీక మహర్షి ని  అడుగుతాడు. ధ్యానంలో ఉన్న ఆయన సమాధానం చెప్పకపోవడంతో  పరీక్షిత్తుకు విపరీతమైన కోపం వచ్చేస్తుంది. దాంతో ఆయన ఆ పక్కనే చనిపోయి పడున్న పాము ని కర్ర సహాయం తో తీసి శమీకుడు మెడలో వేసి అక్కడ నుండి వెళ్లిపోతాడు.

ఈ విషయం శమీకుడు పుత్రుడైన ‘శృంగి కి తెలుస్తుంది. అహంభావంతో వ్యవహరించి  తన తండ్రిని అవమానపరిచిన రాజు, నేటికి ఏడవ రోజు పాముకాటుతో మరణించు  గాక అని శపిస్తాడు. అలా కలి ప్రభావం వలన  అహంభావంతో పరీక్షిత్తు సత్పురుషుల శాపానికి గురి కావలసి వస్తుంది. ఆ తర్వాత భాగవతం 7 రోజుల్లో విని పునీతుడవుతాడు.   కాబట్టి అహంభావాన్ని పెరగనివ్వకుండా చూసుకోవాలి.


Share

Related posts

మీ పిల్లలు ఆన్లైన్ లో క్లాస్ లు వింటున్నారా?? అయితే ఇది మీకోసమే..

Kumar

తలకింద దిండు లేకుండా నిద్రిస్తే ఏమవుతుంది ?

Kumar

Relationship భర్తలు ఇలా చేస్తే  జీవితం అద్భుతంగా ఉంటుంది!!! (పార్ట్2)

Kumar