Jasmine: మల్లె అందం మగువ కెరుక.. మల్లెపూలు మగువ అందాన్ని రెట్టింపు చేస్తాయి.. మల్లెపూలు కేవలం సువాసనకు కాదు.. దివ్య ఔషధంలా ఉపయోగపడతాయని మీకు తెలుసా.. మల్లెపూలు మానసిక ఆహ్లాదాన్ని పెంపొందించడంతో పాటు మెడిసిన్ లాగా ఉపయోగపడతాయి.. అనేక రకాల అనారోగ్య సమస్యలకు చెక్ పెడతాయి..!
గుప్పెడు మల్లెపూలు తీసుకొని ఒక కప్పు కొబ్బరినూనెలో వేసి రాత్రంతా నానబెట్టాలి. ఉదయం ఆ కొబ్బరి నూనెను కాచి వడపోయాలి. గోరువెచ్చగా ఈ నూనెను తలకు మర్దన చేసుకుంటే జుట్టు కుదుళ్లకు పోషణ అందుతుంది. మధుమేహంతో బాధపడుతున్న వారు మల్లెపూల టీ తాగితే రక్తంలోని చక్కెర స్థాయిలను నియంత్రణలో ఉంచుతుంది. సువాసనలు వెదజల్లే గుప్పెడు మల్లెపూలను దిండుకింద పెట్టుకుంటే ప్రశాంతమైన నిద్ర పడుతుంది. మల్లెపూల వాసన దీర్ఘంగా పిల్చితే మనసు స్థిమితంగా ఉంటుంది.
మల్లెపూలను ముద్దగా నూరి ఆ మిశ్రమాన్ని ఒక తడి కాటన్ క్లాత్ లో వేసి కళ్లపై పెట్టుకోవాలి. ఇలా పెట్టుకుంటే కళ్ళల్లో నీళ్లు కారడం, కళ్ళు మూసిన తెలిసిన చిరాకుగా అనిపించడం, కళ్ళు తడి ఆరిపోవడం వంటి సమస్యలను తగ్గిస్తుంది. తలనొప్పి, తల పట్టేసినట్టుగా ఉంటే మల్లె పూలతో వాసన కట్టుకడితే ఉపశమనం లభిస్తుంది. మల్లెలోని సువాసన మనకు ఆహ్లాదాన్ని అందించడమే కాకుండా తలనొప్పిని కూడా తగ్గిస్తుంది. మల్లెపూలు, గులాబీ పూలు రెండింటినీ సమాన మోతాదులో తీసుకుని దంచి రసం తీసుకోవాలి. ఈ రసం రాసుకుంటే మేనిఛాయ రెట్టింపు అవుతుంది. గ్లాసీ స్కిన్ మీ సొంతం.