Lollipop: పిల్లలు ఇష్టంగా తినే వంటకాలలో చైనీస్ వంటకాలు ముందు వరసలో ఉంటాయి.. షెజ్వాన్ చికెన్ లాలిపాప్ చైనీస్ టేస్టీ డిష్. ఇది పిల్లలకి ఆకలి తీర్చడం తోపాటు రుచికరంగా ఉంటుంది. ఈ లాలీపాప్స్ ను ఎలా తయారు చేసుకోవాలో చూద్దాం..!!
కావలసిన పదార్థాలు..
అరకిలో కోడి మాంసం, ఒక గుడ్డు, ఒక కప్పు స్ప్రింగ్ ఆనియన్స్, ఒక స్పూన్ అల్లం వెల్లుల్లి పేస్ట్, కొద్దిగా బియ్యప్పిండి, ఒక స్పూన్ జొన్నపిండి, చిటికెడు ఉప్పు, రెండు స్పూన్లు సోయాసాస్, ఒక స్పూన్ షెజ్వాన్ సాస్, డీప్ ఫ్రైకి తగినంత నూనె అవసరం. ఇప్పుడు ఒక బౌల్ తీసుకొని అందులో చికెన్ వేసి.. దాని పైన చెప్పుకున్న పదార్థాలన్నింటినీ వేసి కలుపుకోవాలి. వీటన్నింటినీ బాగా కలిపి పదిహేను నిమిషాల నాననివ్వాలి. ఆ తర్వాత నూనెలో వేసి డీప్ ఫ్రై చేసుకోవాలి.
ఇప్పుడు మరొక పాన్ తీసుకొని అందులో కొద్దిగా వెల్లుల్లి, పచ్చి మిరపకాయ మొక్కలు, స్ప్రింగ్ ఆనియన్స్ వేసి అందులో కొద్దిగా నీరు పోసి మరిగించాలి. ఇందులో కార్న్ ఫ్లోర్ వేసి ఉండలు కట్టకుండా తిప్పుకోవాలి. కాస్త చిక్కగా అయ్యాక అందులో లాలీపాప్ వేసుకొని గ్రేవి అంతా చికెన్ ముక్కలకి పట్టేలా కలుపుకోవాలి. అంతే షెజ్వాన్ చికెన్ లాలిపాప్స్ తినడానికి సిద్ధం.