Quotations: చిన్న చిన్న కొటేషన్స్ లో చాల అర్ధం దాగి ఉంటుంది. వెంటనే అర్ధం కాకపోయినా కాస్త ఆలోచిస్తే మాత్రం తత్త్వం బోధపడుతుంది. ఒక్కొక్కసారి ఆ కొటేషన్స్ మన బాధని పోగొడతాయి,ఇన్సిపిరేషన్ గా ఉండి విజయాన్ని కూడా అందిస్తాయి. అలాంటి కొన్నిటి గురించి తెలుసుకుందాం.
1.మీరు ఇతరుల కలలని నెరవేర్చుకోవడానికి సాయం అందించండి . అప్పుడు మీరు మీ కలలను నిజం చేసుకోగలుగుతారు. – లెస్ బ్రౌన్
2.విజయం అంటే చిన్న చిన్న విషయాలను కూడా ప్రతిరోజు క్రమశిక్షణతో పాటించడమే. – జిమ్ రాన్
3.చిత్తశుద్ధి అంటే ఎవరూ చుసిన చూడకపోయినా కూడా సరైన పనిని మాత్రమే చేయడం. – సి. యస్. లూయిస్
4.ఏదైనా మీరు చేయలేను అనుకుంటే మీలో అంతర్గతం గా చేసే శక్తి ఉన్న దాన్ని కోల్పోతారు. నేను చేయగలను అనుకుంటే చేయగలిగే శక్తి లేకపోయినా ఆ పని చేయగలుగుతారు. – మహాత్మా గాంధీ.
5. నిరాశావాది ప్రతి అవకాశంలో ఒక అవరోధాన్ని వెతుక్కుంటాడు. ఆశావాది ప్రతి అవరోధంలో ఒక అవకాశాన్ని వెతుక్కుంటాడు. – విన్ స్టన్ చర్చిల్
6.మీకు ఏదైతే ఉందొ ,ఎంతయితే ఉందో దానిపట్ల సంతృప్తి గా ఉండండి. దానివలన మీరు మరింత ఎక్కువ పొందుతారు. మీకు లేని దాని మీద దృష్టి పెడితే మీకు ఎప్పటికీ అది దొరకదు. – ఓప్రా విన్ ఫ్రే
7.మీరు ఎగరలేకపోతే పరిగెత్తండి. పరిగెత్తలేకపోతే నడవండి. నడవలేకపోతే పాకండి. తప్ప ఎట్టిపరిస్థితుల్లోనూ ముందుకు వెళ్లడం మాత్రం మానకండి . – మార్టిన్ లూథర్ కింగ్ జూనియర్
8.ఒకే ఒక్క పాజిటివ్ ఆలోచన మీ మొత్తం రోజునే మార్చేస్తుంది. – జిగ్ జిగ్లర్
9.మిమ్మల్ని మీరు వేరే వాళ్ళతో ఎప్పుడు పోల్చుకోవద్దు. అలా చేస్తే మిమ్మల్ని మీరు అవమానించుకున్నట్టే . – బిల్ గేట్స్
10.మిమ్మల్ని మీరు నమ్మే వరకు, మిమ్మల్ని ఎవ్వరూ నమ్మరు. – రాబిన్ శర్మ
11.మైండ్ అనేది చాలా శక్తివంతమైనది.. దానిలో మీరు ఏమి ఆలోచిస్తారో మీరు అదే అవుతారు. – గౌతమ్ బుద్ధ