Natural: తీయ్యని పదార్థాలు తినాలని ప్రతి ఒక్కరికి అనిపిస్తుంది.. తీపి పదార్థాలు ఆరోగ్యానికి మంచిది కాదని కొంతమంది చెక్కరకు దూరంగా ఉంటారు. అయితే ఇది ఏ మాత్రం సరైన పద్ధతి కాదని ఆరోగ్య నిపుణులు చెబుతున్నారు. పంచదారను తీసుకోకపోయినా పర్వాలేదు కానీ.. సహజమైన తీపిని అందించే వాటిని మాత్రం కచ్చితంగా తీసుకోవాలని చెబుతున్నారు..
సాధారణంగా చక్కెరలో రెండు రకాలు ఉంటాయి. ఒకటి సహజ చక్కెర. రెండోది ప్రాసెస్ చేయబడ్డ చక్కెర. కొబ్బరి, పైనాపిల్, మామిడి వంటి పండ్ల ద్వారా మనకు సహజ చక్కెర లభిస్తుంది. అయితే ప్రాసెస్ చేయబడిన చక్కెరను బీట్రూట్ చెరకు నుంచి తయారు చేస్తారు. చక్కెరను మితంగా తీసుకుంటే ఆరోగ్యానికి ఏమాత్రం నష్టం ఉండదు. కానీ పూర్తిగా వదులుకుంటేనే ఎన్నో అనారోగ్య సమస్యలు వస్తాయి అంటున్నారు నిపుణులు .
అకస్మాత్తుగా చక్కెరని తినడం మానేసి వాళ్ల శరీరంలో ఎన్నో మార్పులు వచ్చాయట. ముఖ్యంగా అలాంటివారి శరీరం చాలా త్వరగా అలసిపోతుందని తలనొప్పితో ఇబ్బందులు పడతారని.. చిరాకు ఉంటుందని తెలుస్తోంది. సహజ చక్కెరను కూడా తీసుకోకుండా మీ శరీరంపై చెడు ప్రభావం పడుతుంది. ఇదే మీ శరీరానికి శక్తినిచ్చే వనరు. అందుకే దీన్ని తీసుకోవడం మానేస్తే మీ శరీరం త్వరగా అలసిపోతుంది. మీరు చక్కెరను తీసుకున్నప్పుడే మీ శరీరం నుంచి అదనపు ఇన్సులిన్ తగ్గడం ప్రారంభమైంది. సహజ చెక్కర్లు లభించే పండ్లను మాత్రం రోజు తినండి. వీటివల్లే మీ శరీరం తిరిగి శక్తివంతంగా తయారవుతుంది. తీయగా ఉండే పండ్లను తీసుకుంటే శరీరానికి అవసరమైన శక్తి లభిస్తుంది.