ప్రజాక్షేత్రంలో ఎంత గట్టిగా పోటీ పడినా.. అసెంబ్లీలో ఏ రేంజ్ లో చంద్రబాబును ఉతికారేసినా.. బయట మాత్రం బాబు విషయంలో వైఎస్సార్ కు కాస్త సాఫ్ట్ కార్నరే ఉందని గతంలో కామెంట్లు వినిపించేవి. నిజంగా కూడా బాలయ్య విషయంలో అయితేనేమి, మరికొన్ని విషయాల్లో అయితేనేమి వైఎస్సార్ బాబుకు తెరవెనుక సపోర్ట్ చేశారని చెప్పేవారు!! ఇక రాజకీయ రంగంలోకి వచ్చేసరికి… బాబును రాజకీయంగా ఏ రేంజ్ లో దెబ్బ తీయాలనే విషయాల్లో మాత్రమే వైఎస్సార్ ప్లాన్స్ వేసేవారు!
తన సంక్షేమ పథకాలతో టీడీపీ కేడర్ మనసుకూడా వైఎస్ దోచుకోవడం.. టీడీపీ నేతలను కొందరిని ఆకర్షించడం, మరికొందరిని యాక్టివ్ గా లేకుండా చేయడం వంటి రాజకీయ ఎత్తుగడలు నాడు వైఎస్.. బాబుపై ప్రయోగించేవారు.. సక్సెస్ అవుతూ వచ్చేవారు! అయితే రోజులు మారాయి.. వైఎస్సార్ వారసుడు కుర్చీ ఎక్కాడు. మామూలుగానే వైఎస్సార్ అంత మెతక వైఖరి జగన్ కు లేదని.. ఆయన కొన్ని చూసీ చూడనట్లు పోయేవారని.. జగన్ మాత్రం అలా కాదని అంటుంటారు! దానికి కారణం.. ఆ 9 సంవత్సరాలు జగన్ పడిన బాద, బాబు ప్రత్యక్షంగా పరోక్షంగా పెట్టిన ఇబ్బందులూ కూడా కారణం అంటున్నారు. ఇదే ఇప్పుడు బాబుపై సీబీఐ కేసుల వరకూ వెళ్లిందని కామెంట్లు వినిపిస్తున్నాయి.
గతంలో లాగా కేవలం పార్టీ ప్రయోజనాలకోసం, అధికారం కోసం మాత్రమే కాకుండా.. మీడియా పరంగా బాబు జగన్ పై వ్యక్తిగతంగా కూడా టార్గెట్ చేయడం.. లేనిపోని దూకుడు ప్రదర్శించడం వంటివి చేస్తున్నాడు. ఇప్పటి సీఎం జగన్, చంద్రబాబు మీద కన్నెర్ర చేసి ఆయన టీడీపీ మంత్రుల అవినీతిని వెలికి తీస్తూ అరెస్ట్ లు అయ్యే పరిస్థితికి తీసుకొచ్చాడు. దానికి కేవలం జగన్ కోపమే కారణం కాదు.. బాబు కూడా ఆ రేంజ్ లో అవినీత్ పనులకు పాల్పడ్డారని అంటున్నారు. ఈ సమయంలో వాటిలో ఏ ఒక్క విషయాన్ని అయినా జగన్ సర్కార్ నిరూపించాలని పట్టుబట్టిందంటున్నారు విశ్లేషకులు!