Pushpa 2: ఐకాన్ స్టార్ అల్లు అర్జున్ “పుష్ప 2” ఆగస్టు 15వ తారీకు విడుదల చేయబోతున్నట్లు అధికారిక ప్రకటన చేయడం తెలిసిందే. ఈ సినిమాకి సంబంధించి షూటింగ్ శరవేగంగా జరుగుతోంది. అయితే సడన్ గా కేశవ పాత్ర చేసిన నటుడు జగదీష్ ఓ అమ్మాయి కేసు విషయంలో జైలు పాలు కావడం జరిగింది. దీంతో పుష్ప రెండో భాగం అనుకున్న సమయానికి విడుదల అయ్యే అవకాశం లేదని తెగ ప్రచారం జరిగింది. కానీ ఇటీవల చెప్పిన తేదీకి ఆగస్టు 15వ తారీఖు నాడు సినిమా రిలీజ్ కాబోతున్నట్లు “పుష్ప 2” మేకర్స్ స్పెషల్ పోస్టర్ తో మరోసారి కన్ఫామ్ చేశారు. ఇదిలా ఉంటే కేశవ పాత్ర నటుడు జగదీష్ తాజాగా జైలు నుండి విడుదల కావడం జరిగింది.
అంతేకాదు పుష్ప సెకండ్ పాటు షూటింగ్ లో కూడా ఆయన పాల్గొన్నారట. మేకర్స్ గంగమ్మ జాతరతో పాటు యాక్షన్ సీక్వెన్స్ నీ చిత్రీకరిస్తున్నట్లు సినీ వర్గాలు తెలియజేశాయి. “పుష్ప” మొదటి భాగంలో కేశవ పాత్ర సినిమాకి హైలైట్ గా నిలిచింది. దీంతో నటుడు జగదీష్ కి మంచి గుర్తింపు లభించింది. సినిమాలో ఎక్కువ భాగం అల్లు అర్జున్ పక్కన ఉండే పాత్ర కావడంతో.. మంచి పాపులారిటీ సంపాదించాడు. పుష్ప తర్వాత జగదీష్ కి అనేక సినిమా ఆఫర్స్ కూడా వచ్చాయి. కానీ అనూహ్యంగా అమ్మాయి కేసులో ఇరుక్కొని.. అరెస్టు కావడం జరిగింది. ఈ క్రమంలో “పుష్ప” నిర్మాతలు బెయిల్ కోసం అనేక ప్రయత్నాలు చేసి.. విడిపించుకున్నారట.
ఇదిలా ఉంటే జగదీష్ కి సంబంధించి సన్నివేశాలు ముందు చిత్రీకరించాలని మేకర్స్ డిసైడ్ అయ్యి త్వరగా కంప్లీట్ చేస్తున్నారట. 2021 డిసెంబర్ నెలలో విడుదలైన పుష్ప దేశంలోనే కాదు ప్రపంచవ్యాప్తంగా బ్లాక్ బస్టర్ అయింది. ఈ సినిమాలో అల్లు అర్జున్ మేనరిజమ్స్ ప్రపంచాన్ని షేక్ చేయడం జరిగింది. తగ్గేదేలే డైలాగు ఇప్పటికీ పాపులర్ గా ఉంది. ఈ సినిమాకి గాను ఉత్తమ జాతీయ నటుడు అవార్డు కూడా అల్లు అర్జున్ సాధించటం జరిగింది. దీంతో “పుష్ప 2” సినిమాని దర్శకుడు సుకుమార్ చాలా ప్రతిష్టాత్మకంగా తెరకెక్కిస్తున్నారు.