Allu Arjun NTR: ఐకాన్ స్టార్ అల్లు అర్జున్ “పుష్ప” సినిమాతో గ్లోబల్ స్టార్ అయిపోయిన సంగతి తెలిసిందే. 2021 ఏడాది చివరిలో విడుదలైన “పుష్ప” ప్రపంచంలోనే అందరినీ అలరించింది. చిన్నలు మొదలుకొని పెద్దవాళ్ల వరకు సెలబ్రిటీలు అందరూ “పుష్ప” సినిమా మేనియాకి ఫిదా అయిపోయారు. చాలా చోట్ల “పుష్ప” సినిమా డైలాగులు చెప్పి రాజకీయ నాయకులు సైతం మీడియాలో ప్రముఖంగా నిలిచారు. “పుష్ప” మూవీ ఎవరు ఊహించని విజయం సాధించింది. ప్రస్తుతం “పుష్ప” సెకండ్ పార్ట్ షూటింగ్ జరుపుకుంటుంది. ఈ ఏడాది ఆగస్టు 15వ తారీకు సినిమా విడుదల చేయబోతున్నట్లు మేకర్స్ ఆల్రెడీ అధికారిక ప్రకటన చేయడం జరిగింది.
ఇదిలా ఉంటే “పుష్ప” సినిమా విడుదల తేదీ నాడే అనగా ఆగస్టు 15వ తారీకు.. ఎన్టీఆర్ కొత్త సినిమా “దేవర” విడుదల కాబోతున్నట్లు వార్తలు వస్తున్నాయి. మేటర్ లోకి వెళ్తే అసలు “దేవర” ఏప్రిల్ 5వ తారీకు విడుదల కావాలి. అయితే ఈ సినిమాలో విలన్ పాత్ర చేస్తున్న సైఫ్ ఆలీ ఖాన్ ఎడమ చేయి షూటింగ్ చేస్తున్న సమయంలో ఫ్రాక్చర్ అయింది. దీంతో సర్జరీ జరగడంతో కొన్ని వారాలపాటు విశ్రాంతి ప్రకటించడంతో… షూటింగ్ ఆగిపోయింది. 80 శాతం షూటింగ్ కంప్లీట్ చేసుకున్న “దేవర” సైఫ్ సన్నివేశాలు మాత్రమే.. బ్యాలెన్స్ షూట్ ఉంది. దీంతో సినిమా షూటింగ్ మొత్తం కంప్లీట్ కావడానికి.. మరికొద్ది నెలలు సమయం పట్టే అవకాశం ఉంది.
దీంతో ఏప్రిల్ 5 కాకుండా ఆగస్టు 15వ తారీఖు నాడు అనగా “పుష్ప” సెకండ్ పార్ట్ విడుదలవుతున్న సమయంలోనే “దేవర” విడుదల చేయాలని మేకర్స్ ప్లాన్ చేసినట్లు వార్తలు వస్తున్నాయి. ఎందుకంటే ఆ తేదీ నాడు అనేక సెలవులతో పాటు లాంగ్ వీకెండ్ రావడంతో.. సినిమా కలెక్షన్స్ కి డోకా ఉండదని “దేవర” నిర్మాతలు భావిస్తున్నాట్లు టాక్ నడుస్తోంది. దీంతో ఆగస్టు 15వ తారీకు నాడు బాక్సాఫీస్ వద్ద అల్లు అర్జున్ వర్సెస్ ఎన్టీఆర్ వార్ మొదలుకానున్నట్లు సమాచారం. “దేవర” రెండు భాగాలుగా చిత్రీకరిస్తున్నారు. మొదటి భాగం రిజల్ట్ బట్టి రెండో భాగం చిత్రీకరణ ఉంటుందని నిర్మాతలు తెలియజేయడం జరిగింది.
Krishna Mukunda Murari: 45 ఏళ్ల వయసులో కూడా చెక్కుచెదరని అందంతో మైమరిపిస్తున్న కృష్ణ ముకుందా మురారి నటి.. ఫొటోస్ వైరల్..!