Baby: తెలుగు చలనచిత్ర పరిశ్రమను “బేబీ” సినిమా ఒక ఊపు ఊపుతుంది. కొద్ది రోజుల క్రితం విడుదలైన ఈ సినిమా బ్లాక్ బస్టర్ విజయం సాధించింది. ప్రేమ పేరుతో అబ్బాయిల జీవితాలతో ఆడుకునే ఓ అమ్మాయి కథని చాలా అద్భుతంగా దర్శకుడు.. సాయి రాజేష్ తెరకెక్కించారు. విజయ్ దేవరకొండ తమ్ముడు ఆనంద్ దేవరకొండ, హీరోగా వైష్ణవి చైతన్య హీరోయిన్ గా నటించడం జరిగింది. ప్రస్తుతం ఈ సినిమా విజయవంతంగా రన్ అవుతూ ఉంది. సినిమా విజయం సాధించటంతో.. హైదరాబాద్ లో బ్లాక్ బస్టర్ సెలబ్రేషన్స్ నిర్వహించారు. ఈ కార్యక్రమానికి అల్లు అరవింద్ అదేవిధంగా బన్నీ వాసు, మారుతి ప్రత్యేక అతిధులుగా హాజరయ్యారు.
ఇక ఇదే కార్యక్రమానికి ముఖ్యఅతిథిగా వచ్చిన విజయ్ దేవరకొండ చాలా ఎమోషనల్ కామెంట్స్ చేశారు.”ఈ సినిమా చూస్తున్నంత సేపు తాను ఒక నటుడిని అనే విషయం మరిచిపోయినట్లు చెప్పుకొచ్చారు. సినిమా స్టోరీ అంతా నిజంగా జరిగిందేమో అని అనుకున్నాను. ప్రీమియర్ షో చూసి వస్తున్నప్పుడు ఎలా ఉందో అడగడం కోసం సినిమా యూనిట్ అంతా ఎదురు చూశారు. కానీ క్లైమాక్స్ ఎమోషన్స్ తలుచుకుంటూ బయటికి వచ్చిన నేను అప్పుడే ఏమీ మాట్లాడలేకపోయాను. కానీ నాలాగే అందరు ఈ సినిమాకి ఇప్పుడు కనెక్ట్ కావడం విశేషం. అందువల్లే ఈ సినిమా గొప్ప విజయం సాధించింది అని తెలిపారు. ఈ సినిమాకి సంబంధించిన వ్యవహారాలు నువ్వే చూసుకో రా అని తమ్ముడు ఆనంద్ కి చెప్పాను.
“బేబీ” గురించి చివరి వరకు నాకేమీ తెలియదు. సినిమా చూసిన తర్వాత చాలా గర్వంగా అనిపించింది. అయితే అమ్మాయిలు అలా ఉంటారు అబ్బాయిలు ఎలా ఉంటారని చెప్పటం.. ఈ సినిమా ఉద్దేశం కాదు. ఎలా ఉండాలో… ఎలా ఉండకూడదు తెలుసుకోవటం కష్టమే. వైష్ణవి గురించి ఏం చెప్పాలో నాకు అర్థం కావడం లేదు. ఆమె యూట్యూబ్ స్టార్ అని అంటున్నారు. కానీ అందరూ చాలా బాగా పనిచేశారు” అంటూ.. తన తమ్ముడు ఆనందం దేవరకొండ నటించిన బేబీ సినిమా హిట్ కావటం పట్ల విజయ్ దేవరకొండ చాలా ఆనందం వ్యక్తం చేశారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!