Balakrishna: నటసింహం నందమూరి బాలయ్య బాబుకీ ఆహా ఓటిటిలో “అన్ స్టాపబుల్” టాకీ షో విపరీతమైన క్రేజ్ తీసుకొచ్చింది. బాలయ్యలో ఉన్న కొత్త కోణాన్ని ఈ షో సరికొత్తగా ఆవిష్కరించింది. “అన్ స్టాపబుల్” షో స్ట్రీమింగ్ కాకముందు… బాలయ్య బాబుని కేవలం హీరోగా మాత్రమే అభిమానించే ఫ్యాన్స్ ఉండేవారు. కానీ ఈ షో తర్వాత…హోస్ట్ గా… అంతకుముందు బాలయ్య అనే విభేదించేవారు సైతం అభిమానించడం జరిగింది. బాలయ్య బాబు తన యాంకరింగ్ ద్వారా విమర్శకులను సైతం అభిమానులుగా మార్చేసుకున్నారు. తనలో ఉన్న చిలిపితనాన్ని… ఈ షో ద్వారా ఎంటర్టైన్మెంట్ రూపంలో పండిస్తూ బాగా ఆకట్టుకున్నారు. ఈ షోకి వచ్చే చాలామంది టాప్ మోస్ట్ సెలబ్రిటీలను… తనదైన శైలిలో ఇంటర్వ్యూ చేస్తూ అద్భుతంగా రెండు సీజన్లు సక్సెస్ అయ్యేలా బాలయ్య వ్యవహరించారు.
అన్ స్టాపబుల్ మొదటి సీజన్ లో సినిమా సెలబ్రిటీలు వస్తే రెండవ సీజన్ లో సినిమా సెలబ్రిటీలతో పాటు రాజకీయ నాయకులు రావడం జరిగింది. జనవరి నెలలో రెండవ సీజన్ కంప్లీట్ అయింది. ఇదిలా ఉంటే ఇప్పుడు ఆహాలో మరో షోలో.. బాలయ్య కనిపించడానికి రెడీ అయ్యారు. పూర్తి విషయంలోకి వెళ్తే “తెలుగు ఇండియన్ ఐడీల్స్ 2″ కార్యక్రమంలో బాలకృష్ణ డాన్స్ పెర్ఫార్మెన్స్ ఇవ్వనున్నారు. ఈ కార్యక్రమానికి సంబంధించిన ఫోటోలను పోస్ట్ చేస్తూ…”ఇంతకు ముందేన్నాడు చూడని బాలయ్యను చూస్తారు” అని ఆహా టీం ట్వీట్ చేసింది.
ఈనెల 17 మరియు 18 తారీకులలో ఈ కార్యక్రమం ప్రసారం కానున్నట్లు స్పష్టం చేసింది. ఈ క్రమంలో ఆహా టీం రిలీజ్ చేసిన బాలయ్య లుక్ కీ ఫాన్స్ ఫిదా అవుతున్నారు. ప్రస్తుతం బాలకృష్ణ అనిల్ రావిపూడి దర్శకత్వంలో సినిమా చేస్తున్నారు. ఈ సినిమా రెగ్యులర్ షూటింగ్ త్వరలో స్టార్ట్ కానుంది. శ్రీ లీల బాలయ్య కూతురుగా నటిస్తోంది. కాజల్ అగర్వాల్ హీరోయిన్ గా నటిస్తున్నట్లు సమాచారం. దసరాకి ఈ సినిమా విడుదల చేసే ఆలోచనలో సినిమా యూనిట్ ఉంది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!