Balakrishna: ఆంధ్రప్రదేశ్ రాష్ట్రంలో 2024లో ఎన్నికలు జరగనున్న సంగతి తెలిసిందే. దీంతో ఇప్పటికే ఏపీలో ఎన్నికల రాజకీయ వేడి స్టార్ట్ అయిపోయింది. ప్రధాన పార్టీల నేతలు పొత్తు దిశగా కామెంట్లు చేస్తూ ఉన్నారు. ఎలాగైనా అధికారంలో ఉన్న వైసీపీని గద్దె దించడానికి విపక్షాలు కంకణం కట్టుకున్నాయి. ఇటువంటి తరుణంలో సరిగ్గా ఎన్నికలకు ముందు నందమూరి బాలయ్య బాబు భారీ ప్లానింగ్ వేసినట్లు ఇండస్ట్రీలో లేటెస్ట్ టాక్ నడుస్తోంది. విషయంలోకి వెళితే బోయపాటి దర్శకత్వంలో “అఖండ 2” చేయాలని డిసైడ్ అయినట్లు వార్తలు వినిపిస్తున్నాయి.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
రాజకీయ నేపథ్యంలో పాన్ ఇండియా స్థాయిలో ఈ సినిమా తెరకెక్కించనున్నట్లు.. సమాచారం. ప్రస్తుతం బాలయ్య బాబు గోపీచంద్ మలినేని, అనిల్ రావిపూడి దర్శకత్వంలో సినిమాలు చేస్తున్నారు. మరోపక్క బోయపాటి ఎనర్జిటిక్ హీరో రామ్ పోతినేనితో సినిమా చేస్తున్నారు. వచ్చే ఏడాది “అఖండ 2” తెరకెక్కించనున్నట్లు సమాచారం. వరస ఫ్లాపుల్లో ఉన్న బాలయ్య బాబు గత ఏడాది “అఖండ”తో భారీ విజయం సాధించడం తెలిసిందే.
దీంతో రెండో భాగం వస్తున్నట్లు వార్తలు రావడంతో నందమూరి ఫ్యాన్స్.. అధికారిక ప్రకటన వస్తే బాగుండు అని ఆశగా ఉన్నారు. మరోపక్క ఈ సినిమాతో టీడీపీ పార్టీకి భారీగా పొలిటికల్ మైలేజ్ వచ్చే రీతిలో స్క్రిప్ట్ విషయంలో బాలయ్య బాబు చాలా శ్రద్ధ తీసుకుంటున్నట్లు బోయపాటి కూడా 2019లో వైసీపీకి “యాత్ర” సినిమాతో వచ్చిన పొలిటికల్ మైలేజ్ రీతిలో ప్లాన్ చేస్తున్నట్లు టాక్. ఏది ఏమైనా సరిగ్గా 2024 ఎన్నికలకు ముందు ఈ సినిమాని భారీ ఎత్తున విడుదల చేసే రీతిలో బాలయ్య ఉన్నట్లు ఇండస్ట్రీలో లేటెస్ట్ టాక్ నడుస్తోంది.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!