Waltair Veerayya: మెగాస్టార్ చిరంజీవి ప్రధాన పాత్రలో వస్తున్న “వాల్తేరు వీరయ్య” నిన్న సెన్సార్ కంప్లీట్ చేసుకోవడం జరిగింది. “వాల్తేరు వీరయ్య” సినిమాకి సెన్సార్ బోర్డు U/A సర్టిఫికెట్ కేటాయించింది. ఈ విషయాన్ని నిర్మాణ సంస్థ మైత్రి మూవీ మేకర్ ప్రకటనలో తెలియజేయడం జరిగింది. సంక్రాంతికి రాబోతున్న ఈ సినిమా రఫాడించేస్తది అని చెప్పుకొచ్చింది. మాస్ ఎంటర్టయినర్ నేపథ్యంలో బాబీ దర్శకత్వంలో వస్తున్న ఈ సినిమాలో శృతిహాసన్ హీరోయిన్. మాస్ మహారాజ రవితేజ కూడా నటిస్తున్నారు. కేథరిన్ తెరిసా కూడా కీలకపాత్రలో కనిపిస్తుంది. జనవరి 13వ తారీకు సంక్రాంతి పండుగ నేపథ్యంలో ఈ సినిమా రిలీజ్ కానుంది.
ఈ సినిమాకి సంబంధించి ఇప్పటికే బాస్ పార్టీ సాంగ్, వాల్తేరు వీరయ్య టైటిల్ సాంగ్ అభిమానులను ఎంతగానో ఆకట్టుకున్నాయి. దేవి శ్రీ ప్రసాద్ అందించిన మ్యూజిక్ సినిమాపై అంచనాలు పెంచే రీతిలో ఉంది. ఊర మాస్ లుక్ లో చిరంజీవి కనిపిస్తున్నారు. సినిమాకి సంబంధించి విడుదలైన వీడియోలు మరియు పోస్టర్ లలో చిరంజీవి అత్యంత మాస్ తరహాలో కనిపిస్తూ ఉండటంతో… ఫ్యాన్స్ సినిమా చూడటానికి ఎంతో ఆతృతగా ఉన్నారు. పైగా “శంకర్ దాదా ఎంబిబిఎస్” వంటి ఫుల్ మిల్స్ ఎంటర్టైన్మెంట్ తర్వాత ఆ తరహా ఫ్లేవర్ “వాల్తేరు వీరయ్య” లో ఉంటుంది అని చిరంజీవి చెప్పటంతో… అంచనాలు ఒక్కసారిగా పెరిగిపోయాయి. డైరెక్టర్ బాబీ సినిమాలో వీరయ్య క్యారెక్టర్ అందరికీ నచ్చుతుందని చెప్పుకొచ్చారు. వీరయ్య లేని సన్నివేశాలు సైతం రోమాలు నీక్కబడుచుకునేలా ఉంటాయని అన్నారు.
పైగా రవితేజ తో కలిసి చిరంజీవి స్క్రీన్ షేర్ చేసుకోవడంతో… మరింత ఇంట్రెస్ట్ ఏర్పడింది. ప్రధాన పాత్రలో చిరంజీవి కనిపించే సినిమా అయినా గాని ఇందులో దాదాపు అరగంటకు పైగానే రవితేజకి సంబంధించి సన్నివేశాలు ఉంటాయని సమాచారం. అప్పట్లో అన్నయ్య సినిమాలో చిరంజీవి ఇంకా రవితేజ కలిసి నటించారు. దాదాపు 22 సంవత్సరాల తర్వాత మళ్లీ ఇప్పుడు చిరంజీవితో రవితేజ స్క్రీన్ షేర్ చేసుకోవడం జరిగింది. త్వరలోనే ఈ సినిమా ఫ్రీ రిలీజ్ వేడుక విశాఖపట్నంలో నిర్వహించనున్నట్లు సమాచారం.