NTR: యంగ్ టైగర్ ఎన్టీఆర్ “RRR”తో గ్లోబల్ స్టార్ అయిపోయిన సంగతి తెలిసిందే. రాజమౌళి దర్శకత్వం వహించిన ఈ సినిమాలో కొమరం భీం పాత్రలో ఎన్టీఆర్ నటన ప్రపంచ సినీ ప్రేమికులను ఎంతగానో ఆకట్టుకుంది. ఈ సినిమా చూసి చాలామంది ఎన్టీఆర్ కి అభిమానులు అయిపోయారు. ఈ లిస్టులో ఇప్పుడు క్రికెటర్స్ కూడా ఉన్నారు. ఈ క్రమంలో హైదరాబాద్లో మ్యాచ్ ఉందంటే చాలామంది ఇండియన్ టీం ప్లేయర్స్ తమకిష్టమైన హీరోలను కలుస్తుంటారు. ఈ రకంగా ప్రస్తుత ఇండియన్ టీంలో సూర్య కుమార్ యాదవ్, శుబ్ మన్ గిల్, చాహల్ మరియు ఇశాన్ కిషన్ లాంటి స్టార్ క్రికెటర్స్ ఎన్టీఆర్ ని గతంలో కలవడం జరిగింది. వాటికి సంబంధించిన ఫోటోలు కూడా సోషల్ మీడియాలో బాగా వైరల్ అయ్యాయి.
తాజాగా మరో క్రికెటర్ అయితే ఏకంగా ఎన్టీఆర్ తో స్క్రీన్ షేర్ చేసుకోవాలని ఉంది అంటూ తన మనసులో కోరికను బయటపెట్టారు. టీమిండియా మాజీ క్రికెటర్ శ్రీశాంత్ ఇటీవల ఇంటర్వ్యూలో జూనియర్ ఎన్టీఆర్ పై ఆసక్తికర వ్యాఖ్యలు చేశారు. ఎన్టీఆర్ పై తనకు ఉన్న అభిమానాన్ని తెలియజేస్తూ శ్రీశాంత్ చేసిన కామెంట్స్ సోషల్ మీడియాలో వైరల్ అవుతున్నాయి. ఎప్పటికైనా ఎన్టీఆర్ తో నటించాలని తన కోరిక అని తెలిపారు. ఎన్టీఆర్ నటన డాన్స్ కి నేను పెద్ద అభిమానిని. గతంలో ఒక్కసారి నేను ఎన్టీఆర్ ని కలవడం జరిగింది. ఆ సమయంలో ఆయనతో మాట్లాడాను. మీరు చాలా బాగా డాన్స్ చేస్తారు అని చెప్పాను. దానికి ఆయన థాంక్స్ చెప్పడంతో పాటు సరదాగా ఫ్లయింగ్ కిస్ కూడా ఇచ్చారు.
ఎన్టీఆర్ ని చూస్తే ఎంతో మోటివేట్ గా ఉంటుంది. నేను ఎన్టీఆర్ ని కలిసిన ఈవెంట్లో అల్లు అర్జున్ కూడా ఉన్నారు అని పేర్కొన్నారు. ఒకప్పుడు భారత్ జట్టులో శ్రీశాంత్ ఫేస్ బౌలర్ గా రాణించారు. టెస్ట్ టి20 వన్డే ఇలా అన్ని ఫార్మేట్ లలో అద్భుతమైన పెర్ఫార్మన్స్ తో టీంలో కీలక బౌలర్ గా రాణించడం జరిగింది. క్రికెట్ నుండి రిటైర్మెంట్ తీసుకున్న తర్వాత 2017లో సినిమా ఇండస్ట్రీలో ఎంట్రీ ఇచ్చారు. “అక్సర్ 2″తో బాలీవుడ్ లో అడుగుపెట్టి తర్వాత సౌత్ ఇండస్ట్రీలో పలు సినిమాలు చేయడం జరిగింది. ప్రస్తుతం బాలీవుడ్ తో పాటు సౌత్ లో పలు సినిమాలలో శ్రీశాంత్ నటిస్తున్నాడు.