Devatha Serial: ఆదిత్య, సత్య వాళ్ల ఇంట్లో శివరాత్రి పూజ వేడుకలు మొదలయ్యాయి. ఆదిత్యను ఈసారి వాళ్ళమ్మ ఉపవాసం ఉండమని చెబుతుంది. నిష్టగా ఉపవాసం ఉండి రాత్రి జాగరణ చేసి శివుడు కి అభిషేకం చేసి ఆ తీర్థప్రసాదాలను స్వీకరిస్తే.. ఈసారి కచ్చితంగా మన ఇంట వారసుడు పుడతాడని నాకు నమ్మకం కలుగుతోంది. అలాగే చేస్తారా అని అడిగితే కచ్చితంగా చేస్తామని సత్య చెబుతుంది..!
రాధా వాళ్ళ ఇంట్లో కూడా పూజ దిగ్విజయంగా పూర్తి చేస్తారు రాధా ఉపవాసం ఉండి ఆదిత్య ఎప్పుడూ కలిసి ఉండేలా దీవించమని ఇప్పటికీ ఎప్పటికీ నా కోరిక అదేనని ఆ దేవుడికి వేడుకుంటుంది మాధవ్ తనకు రాధ ను దగ్గర చేయమని.. తన మనసులో ప్రేమ కలిగేలా చేయమని దేవుడిని వేడుకుంటాడు. ఎప్పుడు లేని విధంగా మాధవ కూడా ఉపవాసం ఉంటాడు. ఈ విషయం తెలిసి ఇంట్లో వాళ్ళు అందరూ షాక్ అవుతారు. మీ మనసులో ఆ కోరిక ఏంటి అని రమ్య అడగగా.. మనసులో ఉన్న కోరికను అందరికీ చెప్పకూడదని చెబుతాడు.
రాధా మాధవ్ ఉపవాస ఉంటున్నారని దేవి కూడా ఉపవాసం ఉంటానని అంటుంది. నీ మనసులో అంత పెద్ద కోరిక ఏముంది దేవి అని అడగగా.. ఆఫీసర్ సార్ త్వరగా ఎక్కడి నుంచి వెళ్లిపోవాలని.. ఆఫీసర్ ఇక్కడి నుంచి వెళ్ళిపోతే నువ్వు కూడా సంతోషంగా ఉంటావు కదా అని దేవి అంటుంది. అసలు ఆదిత్య కు దేవి ఎందుకు దూరమవ్వాలి అనుకుంటుందో.. రాధ తెలుసుకుంటుందా లేదా అనేది రేపటి ఎపిసోడ్ లో తెలుసుకుందాం.