War 2: హృతిక్ రోషన్ “ఫైటర్” సక్సెస్ కి సంబంధించి ఇంటర్వ్యూలో పాల్గొన్నారు. ఈ సందర్భంగా “వార్ 2” షూటింగ్ గురించి మాట్లాడుతూ కీలక వ్యాఖ్యలు చేశారు. ప్రస్తుతం సినిమా షూటింగ్ ఇంకా మొదలు కాలేదని త్వరలోనే సెట్స్ మీదకు వెళ్లనుంది అని అన్నారు. ఇంకా మా షూటింగ్ మొదలు కాలేదు త్వరలోనే ఎన్టీఆర్ తో తీసే సన్నివేశాల షూటింగ్ ప్రారంభం అవుతుందని స్పష్టం చేశారు. ఎన్టీఆర్ తో కలిసి షూటింగ్ చేయడం కోసం ఎంతో ఆసక్తిగా ఎదురుచూస్తున్నట్లు హృతిక్ రోషన్ స్పష్టం చేయడం జరిగింది. ఇండియాలోనే మోస్ట్ పాపులర్ మల్టీ స్టారర్ ప్రాజెక్ట్ గా ఈ సినిమా షూటింగ్ జరుపుకుంటుంది. “వార్” సినిమాకి సీక్వెల్ గా రాబోతుంది. కబీర్ పాత్రలో హృతిక్ రోషన్ కనిపించనుండగా.. హృతిక్ కి ఆపోజిట్ పాత్రలో ఎన్టీఆర్ కనిపించనున్నాడు.
“వార్ 2” లో జాన్ అబ్రహం, కీయరా అద్వానీ ఇంక చాలా మంది ప్రముఖ నటీనటులు నటిస్తున్నారు. ఈ సినిమాలో ఎన్టీఆర్ పాత్ర అభిమానులను ఎంతగానో ఆకర్షించే విధంగా ఉండనుందట. ఇద్దరు స్నేహితులు చివరకు శత్రువులుగా మారితే ఎలా ఉంటుంది అనే కోణంలో. చూపించనున్నట్లు వార్తలు వస్తున్నాయి. నిర్మాత ఆదిత్య చాప్రా ఈ సినిమాని నిర్మిస్తున్నారు. యాక్షన్ ఫిలిం తరహాలో సినిమా ఉండనుందట. ఇదిలా ఉంటే “దేవర” సినిమా షూటింగ్ కంప్లీట్ అయిన వెంటనే “వార్ 2” ప్రాజెక్టులో అడుగు పెట్టాలని ఎన్టీఆర్ భావించారట.
ఆ రకంగానే సినిమా షూటింగ్ స్టార్ట్ చేసి 80% కంప్లీట్ చేయక ఇటీవల విలన్ పాత్ర చేస్తున్న సైఫ్ అలీ ఖాన్ యాక్షన్ సన్నివేశాలలో.. మోచేయి ఫ్రాక్చర్ అయింది. దీంతో ముంబైలో సర్జరీ జరగడంతో పాటు కొన్ని వారాలు పాటు విశ్రాంతి ప్రకటించటంతో సినిమా షూటింగ్ ఆగిపోయింది. ఈ పరిణామంతో.. సమయం వృధా కాకుండా త్వరలోనే “వార్ 2” షూటింగ్ లో జాయిన్ అయిపోవాలని ఎన్టీఆర్ డిసైడ్ అయినట్లు ఇండస్ట్రీలో ప్రచారం జరుగుతుంది.