రామ్ పోతినేని “ది వారియర్” స్టోరీ మెగా హీరోదా..??

తమిళ దర్శకుడు లింగస్వామి దర్శకత్వంలో రామ్ పోతినేని “ది వారియర్” అనే సినిమా చేయడం తెలిసిందే. కృతి శెట్టి హీరోయిన్ గా తెరకెక్కిన ఈ సినిమా జులై 14వ తారీకు విడుదల కానుంది. రామ్ కెరియర్ లో ఫస్ట్ టైం పోలీస్ పాత్ర చేస్తున్న సినిమా ఇది. తమిళ్ మరియు తెలుగు భాషల్లో విడుదల కానుంది. అయితే తాజాగా ఈ సినిమా స్టోరీ ఫస్ట్ మెగా హీరో దగ్గరికి వెళ్లినట్లు సరికొత్త టాక్ నడుస్తోంది. ఆమెగా హీరో మరెవరో కాదు బన్నీ అని టాక్. కొద్ది సంవత్సరాల క్రితం బన్నీ తమిళ దర్శకుడు లింగస్వామి దర్శకత్వంలో సినిమా చేస్తున్నట్లు అప్పట్లో వార్తలు వచ్చాయి.

అయితే లింగుస్వామి ఫస్ట్ “ది వారియర్” స్టోరీ బన్నీకి వినిపించినట్లు… ఆయన రిజెక్ట్ చేసినట్లు లేటెస్ట్ వార్త బయట వైరల్ అవుతుంది. అప్పట్లో అల్లు అర్జున్ తెలుగు మరియు మలయాళం మార్కెట్ ఉండటంతో తమిళంలో ఓ సినిమా చేయాలని ఆలోచన చేసినట్లు టాక్ వచ్చింది. ఇందుకు గాను లింగుస్వామి దర్శకుడు ముందుకు వచ్చినట్లు వార్తలు వచ్చాయి.

అప్పుడు “ది వారియర్” స్టోరీ బన్నీకి వినిపించినట్లు.. ఆయన ఒప్పుకోకపోవడంతో.. అదే స్టోరీ తో లింగస్వామి రామ్ తో చేసినట్లు ప్రజెంట్ టాక్ నడుస్తోంది. రామ్ పోతినేని “ది వారియర్” ట్రైలర్ చూస్తే హై వోల్టేజ్ యాక్షన్ మూవీ అని అర్థమవుతుంది. ఫస్ట్ టైం ఈ సినిమాతో రామ్ తమిళంలో లంచ్ అవుతున్నారు. జులై 14వ తారీకు తమిళ్, తెలుగు భాషలలో “ది వారియర్” రిలీజ్ కానుంది. తెలుగులో తిరుగులేని మార్కెట్ ఉన్న రామ్ నీ తమిళ సినీ ప్రేమికులు ఎలా ఆదరిస్తారో చూడాలి.