KGF 2: ప్రపంచవ్యాప్తంగా అత్యంత భారీ క్రేజ్ ఉన్న పాన్ ఇండియన్ సినిమాలలో కేజీఎఫ్ ఛాప్టర్ 1 సీక్వెల్‌గా రూపొందుతున్న కేజీఎఫ్ ఛాప్టర్ 2 కూడా ఒకటి. ఈ సినిమాను ఎప్పుడెప్పుడు రిలీజ్ చేస్తారా అని దేశ వ్యాప్తంగా ఉన్న అభిమానులు, ప్రేక్షకులు ఎంతో ఆతృతగా ఎదురు చూస్తున్నారు. కేజీఎఫ్ 1 సినిమాతో హీరో యష్, ప్రశాంత్ నీల్‌లకు పాన్ ఇండియన్ రేంజ్‌లో స్టార్స్‌గా క్రేజ్ వచ్చేసింది. దాంతో ఇప్పుడు వీరి కాంబినేషన్‌లో రూపొందుతున్న ఈ సీక్వెల్ సినిమాపై ఆసాధారణమైన అంచనాలు నెలకొన్నాయి.
గత ఏడాది నుంచి ఇదుగో అదుగో అంటూ అభిమానులను ఊరిస్తూ వస్తున్న కేజీఎఫ్ 2 చిత్రాన్ని ఎట్టకేలకు ప్రేక్షకుల ముందుకు తీసుకు రాబోతున్నారు. ఈ మేరకు ఇప్పటికే ఈ సినిమా విడుదల తేదీని కూడా ప్రకటించారు. వచ్చే నెల ( ఏప్రిల్ 14 వ తేదీన) అత్యంత భారీ స్థాయిలో ఈ సినిమాను ప్రపంచవ్యాప్తంగా అన్నీ సౌత్ భాషలతో పాటు బాలీవుడ్‌లోనూ రిలీజ్ చేయబోతున్నారు. ఈ సినిమాతో తమిళ స్టార్ హీరో విజయ్ నటించిన బీస్ట్ సినిమా కూడా పోటీగా రాబోతోంది. అందుకే ఇప్పటి నుంచి మేకర్స్ భారీగా ప్రమోషన్స్ ప్రారంభించారు.
KGF 2: ఈ విషయాలను మేకర్స్ సోషల్ మీడియా ద్వారా ప్రకటించారు.
ఈ నేపథ్యంలో ఇటీవలే ఫస్ట్ సింగిల్ తుపాన్ తుపాన్ పాటను విడుదల చేయగా అభిమానుల నుంచి, ప్రేక్షకుల నుంచి భారీ రెస్పాన్స్ వచ్చింది. ఈ క్రమంలోనే ఈ మూవీ థియేట్రికల్ ట్రైలర్ ఈవెంట్‌ను నిర్వహించబోతున్నారు. మార్చి 27వ తేదీన ఈ ఈవెంట్‌ను ఘనంగా నిర్వహించబోతుండగా బాలీవుడ్ బడా మేకర్ ధర్మ ప్రొడక్షన్స్ అధినేత కరణ్ జోహార్ హోస్ట్‌గా వ్యవహరించబోతున్నారు. అంతేకాదు ఈ గ్రాండ్ ఈవెంట్‌కు ఛీఫ్ గెస్ట్‌గా దివంగత పవర్ స్టార్ పునీత్ రాజ్ కుమార్ సోదరుడు శివ రాజ్ కుమార్ హాజరవబోతుండటం విశేషం. తాజాగా ఈ విషయాలను మేకర్స్ సోషల్ మీడియా ద్వారా ప్రకటించారు.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!