KGF 2: “కేజిఎఫ్ 2” ఏప్రిల్ 14 వ తారీకు విడుదల కానున్న సంగతి తెలిసిందే. 2018 వ సంవత్సరంలో మొదటి పార్ట్ సూపర్ డూపర్ హిట్ అయింది. కన్నడలో తెరకెక్కించిన “కేజిఎఫ్” తర్వాత అనేక భాషలలో విడుదల అయ్యి.. అన్నిచోట్ల పాజిటివ్ టాక్ సొంతం చేసుకోవటం జరిగింది. ఈ సినిమాతో ఒక్కసారిగా ఓవర్ నైట్ లో యాష్ కి క్రేజ్ ఏర్పడింది. చాలాచోట్ల రికార్డు స్థాయి కలెక్షన్లు కూడా కొల్లగొట్టడం జరిగింది. దీంతో ఇప్పుడు “కేజిఎఫ్ 2” దేశవిదేశాలలో భారీ ఎత్తున రిలీజ్ చేస్తున్నారు. ఈ క్రమంలో ఏప్రిల్ 14 వ తారీకు సినిమా విడుదల అవుతున్న నేపథ్యంలో సినిమా ప్రమోషన్ కార్యక్రమాల్లో హీరో యాష్, డైరెక్టర్ ప్రశాంత్ నీల్ మరికొంత మంది పాల్గొంటున్నారు.రెండు తెలుగు రాష్ట్రాలలో సినిమా యూనిట్.. రావడం జరిగింది. ఈ సందర్భంగా డైరెక్టర్ ప్రశాంత్ నీల్..”కేజిఎఫ్ 2″ సినిమా గురించి అనేక విషయాలు తెలియ జేయడం జరిగింది. ఈ సినిమా విషయాలు మాత్రమే కాదు ప్రభాస్ తో చేస్తున్న “సలార్” అదేవిధంగా ఎన్టీఆర్ ప్రాజెక్ట్ గురించి అనేక విషయాలు మాట్లాడగా.. మెగాస్టార్ చిరంజీవి కూడా తాజాగా హైదరాబాద్ ప్రమోషన్ కార్యక్రమాలలో కీలక వ్యాఖ్యలు చేయడం జరిగింది. మేటర్ లోకి వెళ్తే 90’s లో మెగాస్టార్ చిరంజీవి నా అభిమాన నటుడు అని తెలిపారు. హీరోయిజానికి తగ్గట్టుగా ఆయన సినిమాలు సరిగ్గా సూట్ అయినవి అని ప్రశాంత్ నీల్ చెప్పుకొచ్చారు.
అప్పట్లోనే తెలుగు సినిమాలు చాలా చూడటం జరిగిందని హీరోయిజానికి తగ్గట్టు తెలుగులో సినిమాలు ఉండేవని.. తెలియజేశారు. దీంతో ప్రశాంత్ నీల్ కామెంట్ లు టాలీవుడ్ ఇండస్ట్రీలో సంచలనంగా మారాయి. “కేజిఎఫ్ 2” ప్రపంచ వ్యాప్తంగా భారీ ఎత్తున విడుదల కానుంది. ఈ సినిమాలో విలన్ పాత్రలో బాలీవుడ్ స్టార్ హీరో సంజయ్ దత్ నటిస్తూ ఉండటంతో.. హిందీలో “కేజిఎఫ్ 2” కి భారీ క్రేజ్ నెలకొంది. సినిమాకి సంబంధించిన అడ్వాన్స్ బుకింగ్ లు రికార్డు స్థాయిలో జరుగుతున్నాయి. తమిళంలో స్టార్ హీరో విజయ్ “బీస్ట్” కి…”కేజిఎఫ్ 2″ మధ్య పోటాపోటీ భారీ ఎత్తున ఉంది. ఒక రోజు గ్యాప్ లో ఈ రెండు సినిమాలు విడుదల అవుతున్నాయి.