Lavanya Tripathi: లావణ్య త్రిపాఠి.. ఈమె గురించి కొత్తగా పరిచయాలు అవసరం లేదు. `అందాల రాక్షసి` సినిమాతో తెలుగు ఇండస్ట్రీలోకి అడుగు పెట్టిన ఈ అందాల భామ.. తనదైన అందం, అభినయం, నటనతో తనకంటూ స్పెషల్ ఇమేజ్ను క్రియేట్ చేసుకుంది. ప్రస్తుతం సక్సెస్ లేకపోవడం వల్ల అడపా తడపా సినిమాలు చేస్తున్న ఈ బ్యూటీ.. తాజాగా ఓ నెటిజన్పై తీవ్ర ఆగ్రహం వ్యక్తం చేసింది.
అయితే ఇందుకు కారణం లేకపోలేదు. మత మార్పిడి విషయంలో బలవంతం చేశారంటూ లావణ్య అనే యువతి తమిళ నాడులో ఆత్మహత్య చేసుకున్న ఘటన దేశ వ్యాప్తంగా సంచలనం రేపిన సంగతి తెలిసిందే. ఈ విషయంపై నెటిజన్లు మండిపడుతూ సోషల్ మీడియాలో జస్టిస్ ఫర్ లావణ్య అంటూ హ్యాష్ ట్యాగ్ను ట్రెండ్ చేస్తున్నారు.
ఈ క్రమంలోనే కొందరు లావణ్యకు బదులుగా లావణ్య త్రిపాఠి అనే హ్యాష్ ట్యాగ్ను వాడుతున్నారు. అయితే దాన్ని సరిచేసే క్రమంలో ఓ నెటిజన్ లావణ్య త్రిపాఠిని చీప్ నటి అంటూ వ్యాఖ్యానించాడు. `లావణ్య త్రిపాఠి హ్యాష్ ట్యాగ్ వాడకండి. ఆమె ఒక సినీ నటి. లావణ్య తమిళనాడుకు చెందిన ఓ సామాన్య దళిత బాలిక. ధర్మం కోసం ఆమె తన జీవితాన్ని త్యాగం చేసింది. అలాంటి అమ్మాయిని చీప్ నటీమణులతో పోల్చవద్దు` అంటూ కార్తీక్ అగర్వాల్ అనే ఓ నెటిజన్ ట్వీట్ చేశాడు.
ఇక అంత మాటంటే మండదా మరి.. అందుకే లావణ్య త్రిపాఠి వెంటనే తనదైన శైలిలో సదరు నెటిజన్కి బుద్ధి చెప్పింది. `నీలాంటి మగవాళ్ళు అమ్మాయిల గురించి ఎప్పుడూ చీప్గా మాట్లాడతారు. కానీ ఏదైనా ఘోరం జరిగితే మాత్రం వెంటనే ఎక్కడలేని గౌరవాన్ని చూపిస్తారు. ముందు ప్రతి ఒక్కరినీ గౌరవించడం నేర్చుకో. ఇది చాలా బాధాకరమైన సంఘటన. కానీ సమాజంలోని వాస్తవ పరిస్థితి ఇదే` అని తన ట్విట్టర్ ఖాతాలో రాసుకొచ్చింది. దీంతో లావణ్య త్రిపాఠికి చాలా మంది మద్ధతు తెలుపుతున్నారు.
Why do men like you start respecting women when something horrible happens, before that they call them cheap.. Learn to respect everyone!
Extremely unfortunate incident, but this is the reality of our society. https://t.co/nGVshvWeCk— LAVANYA (@Itslavanya) January 31, 2022
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!