Mahesh babu – Trivikram Movie: సూపర్ స్టార్ మహేష్ బాబు – మతాల మాంత్రికుడు త్రివిక్రమ్ శ్రీనివాస్ కలయికలో మూడో సినిమా రాబోతున్న విషయం తెలిసిందే. ఈ క్రేజీ ప్రాజెక్టుని గత వారమే ప్రకటించారు. హారిక & హాసిని క్రియేషన్స్ నిర్మాణ సంస్థ దీనికి నిర్మాణ సారధ్యం వహించనుండగా.. మహేష్ బాబు సొంత సంస్థ జీఎంబీ కూడా భాగస్వామిగా చేతులు కలపనుంది. దీనికి ఒక ఆసక్తికరమైన టైటిల్ అనుకుంటున్నట్టు సినీ వర్గాల్లో వినిపిస్తుంది.
Mahesh babu – Trivikram Movie: పరిశీలనలో కీలక పేరు
ఈ ఇద్దరి కలయికలో ఇప్పటికే రెండు సినిమాలు వచ్చాయి. మొదటి సినిమా “అతడు” వెండితెరపై అదరగొట్టింది. మంచి టాక్ తెచ్చుకుని మహేష్ కెరీర్ లో ఓ మైలురాయిగా నిలిచింది. ఆ తర్వాత ఈ ఇద్దరి కాంబినేషన్ లో వచ్చిన “ఖలేజా” సినిమా వెండితెరపై మెప్పించలేకపోయినప్పటికీ బుల్లితెరపై మాత్రం పెద్ద హిట్ ఇది. ఈ చిత్రం ఎప్పుడు టీవీలో వేసినా మాంచి టీఆర్పీ వస్తుంది. రిలీజ్ సమయంలో ఈ సినిమాని ఆదరించని తెలుగు సినీ ప్రియులు టీవీల్లో మాత్రం తెగ చూస్తున్నారు.
ఇక ఈ ఇద్దరి కాంబినేషన్ లో రానున్న మూడో సినిమాకు “పార్థు” అనే టైటిల్ అనుకుంటున్నట్టు ప్రచారంలో ఉంది. “అతడు” సినిమాలో మహేష్ ఒరిజినల్ పాత్ర పేరు “నందగోపాల్” కానీ పార్థు అనే పేరుతో ఆ ఊరికి, ఆ ఇంటికి వెళ్లి కథకి మలుపులు, ఆసక్తి తీసుకొస్తారు. అందుకే “పార్థు” పేరిట రానున్న సినిమా ఓ మైలురాయిగా నిలిచిపోతుందని.. త్రివిక్రమ్ భావిస్తున్నారట. దీనికి మహేష్ అంగీకరిస్తారా..!? లేదా తనకు సెంటిమెంట్ గా ఉండే మూడు అక్షరాలు పెట్టమంటారో..? వేచి చూడాల్సి ఉంది. ఈ చిత్రం కరోనా తర్వాత షూటింగ్ మొదలు పెట్టుకుని.. వచ్చే ఏడాది వేసవిలో విడుదల కానుంది. ఇక మహేష్ నటిస్తున్న “సర్కారువారి పాట” సినిమా 50 శాతం షూటింజి పూర్తి చేసుకుంది. ఇటీవల ఆ యూనిట్ సిబ్బందికి కరోనా సోకడంతో ప్రస్తుతం షూటింగ్ నిలిచిపోయింది..!
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!