Mahesh Daughter: కూతురులోని మరో టాలెంట్‌ని పరిచయం చేసిన మహేష్.. ఫ్యాన్స్ ఫిదా!

Mahesh Daughter: టాలీవుడ్ ప్రిన్స్ మ‌హేష్ బాబు గారాల ప‌ట్టి సితార గురించి ప్ర‌త్యేకంగా ప‌రిచ‌యాలు అవ‌స‌రం లేదు. ఈ బుల్లి బుట్ట‌బొమ్మ వెండితెర‌పై అడుగు పెట్ట‌క ముందే త‌నదైన టాలెంట్‌తో సోష‌ల్ మీడియా ద్వారా భారీ ఫాలోయింగ్‌ను సంపాదించుకుని తండ్రికి త‌గ్గా కూతుర‌ని నిరూపించుకుంటోంది.

ఇక నేడు సితార లోని మరో టాలెంట్ ని పరిచయం చేస్తూ మహేష్ బాబు ఓ ఇంట్ర‌స్టింగ్‌ వీడియోను షేర్ చేశారు. ఈ వీడియోలో సితార మ‌న భార‌తీయ నృత్యాల్లో ఒక‌టైన కూచిపూడి చేసి అద‌ర‌గొట్టేసింది. ఈ వీడియోపై `సితార మొద‌టి కూచిపూడి డ్యాన్స్ ఇది. ప‌విత్ర శ్రీ‌రామ‌న‌వమి రోజున ఈ నృత్య ప్ర‌ద‌ర్శ‌న‌ను మీతో షేర్ చేసుకున్నందుకు చాలా సంతోషంగా ఉంది. రాముడి గొప్ప‌ద‌నాన్ని ఈ శ్లోకం తెలియజేస్తుంది.

సీతూ పాప‌.. నీ ప‌ని పట్ల నువ్వు చూపించే శ్ర‌ద్ధ చూస్తే నాకెంతో ముచ్చ‌ట‌గా ఉంటుంది. నువ్వు న‌న్నింకా గ‌ర్వ‌ప‌డేలా చేస్తున్నావు. సితార‌కు డాన్స్‌లో శిక్ష‌ణ ఇచ్చిన అరుణ బిక్షు, మ‌హ‌తి బిక్షుల‌కు ధ‌న్య‌వాదాలు` అంటూ మ‌హేష్ చెప్పుకొచ్చారు. దీంతో ఈ వీడియో చూసి మ‌హేష్ అభిమానులే కాదు.. నెటిజ‌న్లు సైతం ఫిదా అవుతున్నారు.

గ‌తంలో సితార డాన్స్ వీడియోలు ఎన్నో చూశాం. ముఖ్యంగా తండ్రి మ‌హేష్ బాబు న‌టించిన సినిమాల్లోని సాంగ్స్‌కు సితార త‌ర‌చూ స్టెప్పులేస్తూనే ఉంటుంది. అయితే ఈ సారి మాత్రం ఇప్ప‌టి వ‌ర‌కు చేయ‌ని వెస్ట్ర‌న్ డాన్స్‌తో విశేషంగా ఆక‌ట్టుకుంది. దీంతో ఇప్పుడు ఆమెపై ప్ర‌శంస‌ల వ‌ర్షం కురిపిస్తున్నారు.

Sitara's first Kuchipudi dance recital… Couldn't be happier to present it on this auspicious day of #SriRamaNavami. This Shloka speaks of the greatness of Lord Rama! pic.twitter.com/QKYHqOmXX5

— Mahesh Babu (@urstrulyMahesh) April 10, 2022