War 2 Release Date: “RRR” సినిమాతో ఎన్టీఆర్ ఇమేజ్ అమాంతం పెరిగిపోయిన సంగతి తెలిసిందే. ఈ సినిమాలో కొమరం భీం పాత్రలో ఎన్టీఆర్ నటన దేశ.. విదేశీ సినిమా ప్రేక్షకులను ఎంతగానో ఆకట్టుకుంది. “RRR” తారక్ నీ గ్లోబల్ స్టార్ గా మార్చేసింది. దీంతో బాలీవుడ్ స్టార్ హీరో హృతిక్ రోషన్ తో “వార్ 2″లో సినిమా అవకాశం అందుకోవటం జరిగింది. బాలీవుడ్ ఇండస్ట్రీలో టాప్ నిర్మాణ సంస్థ యాష్ రాజ్ ఫిలిమ్స్… హృతిక్ రోషన్ మరియు టైగర్ ష్రాఫ్ లతో కలసి “వార్ ” సినిమా చేశారు. 2019లో వచ్చిన ఈ సినిమా సూపర్ డూపర్ హిట్ అయింది. దీంతో ఇప్పుడు ఆ సినిమాకి కొనసాగింపుగా “వార్ 2” తీయబోతున్నారు.
ఈ సినిమాలో జూనియర్ ఎన్టీఆర్ జాయిన్ కావడంతో ఒక్కసారిగా అంచనాలు మరింతగా పెరిగాయి. కొద్ది రోజుల క్రితం ఈ సినిమా షూటింగ్ మొదటి షెడ్యూల్ స్పెయిన్ లో షూట్ చేయడం జరిగింది. ఈ షెడ్యూల్ లో సినిమాలో కీలకమైన యాక్షన్ సీక్వెన్స్ చిత్రీకరించారు. ప్రస్తుతం ఈ సినిమా షూటింగ్ శరవేగంగా జరుగుతుంది. ఈ క్రమంలో “వార్ 2” సినిమా విడుదల తేదీ మేకర్స్ అధికారికంగా ప్రకటించారు. 2025 ఆగస్టు 14వ తారీకు ప్రపంచవ్యాప్తంగా విడుదల చేయబోతున్నట్లు స్పష్టం చేశారు. యశ్ రాజ్ ఫిలింస్ ఇటీవల నిర్మించిన అనేక సినిమాలు బాలీవుడ్ బాక్సాఫీస్ వద్ద అనేక రికార్డులు సృష్టించాయి.
బాలీవుడ్ టాప్ దర్శకుడు అయాన్ ముఖర్జీ ఈ సినిమాకి దర్శకత్వం వహిస్తున్నారు. ప్రస్తుతం ఎన్టీఆర్ తన కెరియర్ లో కొరటాల శివ దర్శకత్వంలో నటిస్తున్న “దేవర” సినిమా షూటింగ్ లో బిజీగా ఉన్నారు. ఈ సినిమా వచ్చే ఏడాది ఏప్రిల్ నెలలో విడుదల కానుంది. ఒకపక్క “దేవర” షూటింగ్ చేస్తూనే మరోపక్క “వార్ 2” షూటింగ్ లలో పాల్గొనే విధంగా షెడ్యూల్ ఎన్టీఆర్ సిద్ధం చేసుకోవడం జరిగిందంట. వచ్చే ఏడాది నుండి “వార్ 2” రెగ్యులర్ షూటింగ్ లో తారక్ జాయిన్ కానున్నట్లు సమాచారం.
Krishna Mukunda Murari: 45 ఏళ్ల వయసులో కూడా చెక్కుచెదరని అందంతో మైమరిపిస్తున్న కృష్ణ ముకుందా మురారి నటి.. ఫొటోస్ వైరల్..!