Balakrishna: తెలుగు చలనచిత్ర రంగంలో సీనియర్ హీరోలు బాలకృష్ణ, వెంకటేష్, నాగార్జున, చిరంజీవి వంటి వారు యంగ్ డైరెక్టర్ లతో పనిచేయడానికి ఎక్కువ ఉత్సాహం చూపిస్తున్నారు. ఇటీవల చాలా వరకు ఈ కాంబినేషన్ లోనే సినిమాలు వచ్చాయి. విక్టరీ వెంకటేష్ నటించిన “సైందవ్” నీ శైలేష్ కొలను అనే దర్శకుడు తీశారు. ప్రస్తుతం వంశీ దర్శకత్వంలో చిరంజీవి “విశ్వంభర” చేస్తున్నారు. కాగా ఇప్పుడు బాలకృష్ణ ఈ రకంగానే కుర్ర దర్శకులతో పనిచేయడానికి ఆసక్తి చూపిస్తూ ఉన్నారు. మొన్ననే ప్రశాంత్ వర్మతో బాలకృష్ణ సినిమా చేయబోతున్నట్లు వార్తలు రావటం జరిగాయి. కాగా ఇప్పుడు మరో కుర్ర దర్శకుడుని లైన్ లో పెట్టినట్లు వార్తలు వస్తున్నాయి.
విషయంలోకి వెళ్తే నందమూరి బాలకృష్ణ, దర్శకుడు రాహుల్ సంకృత్యాన్ కాంబోలో ఓ సినిమా వచ్చే అవకాశం ఉందని సినీవర్గాలు వెల్లడించాయి. ఈ మూవీ కోసం రాహుల్ ఓ పీరియాడికల్ కథను సిద్ధం చేస్తున్నారని తెలిపాయి. అతను గతంలో శ్యామ్ సింగరాయ్, టాక్సీవాలా సినిమాలను తెరకెక్కించారు. మరోవైపు బాలకృష్ణ ప్రస్తుతం బాబీ డైరెక్షన్ లో ఓ సినిమా చేస్తున్న సంగతి తెలిసిందే. ఈ ప్రాజెక్టు తర్వాత బోయపాటి దర్శకత్వంలో అఖండ సీక్వెల్ చేయబోతున్నట్లు వార్తలు వస్తున్నాయి. ప్రస్తుతం మాత్రం పాద కృష్ణ పూర్తిగా రాజకీయాలపై దృష్టి పెట్టడం జరిగింది. ఆంధ్రప్రదేశ్ రాష్ట్రంలో రెండు నెలలలో ఎన్నికలు జరగనున్నాయి. ఈ ఎన్నికలలో గెలవాలని తెలుగుదేశం పార్టీ భావిస్తోంది. టీడీపీలో స్టార్ క్యాంపెనర్ గా బాలకృష్ణ ఉండటంతో.. అనేక కార్యక్రమాలలో పాల్గొనటానికి సిద్ధమవుతున్నారు.
దీంతో ఏపీలో ఎన్నికలు అయ్యే వరకు బాలకృష్ణ షూటింగులు చేసే అవకాశం లేదు. 2014 మరియు 2019 ఎన్నికలలో హిందూపురం నుండి ఎమ్మెల్యేగా బాలయ్య గెలుపొందారు. ఈసారి కూడా అదే నియోజకవర్గంలో నుండి పోటీ చేయబోతున్నారు. 2024 ఎన్నికలలో కూడా బాలకృష్ణ గెలిస్తే.. ఎమ్మెల్యేగా హ్యాట్రిక్ విజయం సొంతం చేసుకున్నట్లు అవుద్ది. దీంతో ఒకపక్క హిందూపురం నియోజకవర్గంలో ప్రచారాలు చేస్తూనే మరోపక్క రాష్ట్రవ్యాప్తంగా తెలుగుదేశం పార్టీ కార్యక్రమాలలో పాల్గొంటున్నారు.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!