Nani Next Movie: ఆటుపోట్లు లేకుండా ఆటపాట్లు..!? నాని రూటే సెపరేటు..!

Nani Next Movie: తెలుగు సినీ పరిశ్రమలో నాని బాట ప్రత్యేకంగా ఉంటుంది.. సింపుల్ గా.., సైలెంట్ గా సినిమాలు చేసుకుంటూ వెళ్తారు.. అతని సినిమాలకు మార్కెట్ కూడా ఉంది. నెమ్మదిగానే మార్కెట్ పెంచుకున్నారు.. ఎమోషన్, కామెడీ. లవర్ బాయ్ తరహా పాత్రల్లో యిట్టె ఒదిగిపోయి హిట్లు కొట్టేసే నాని ఆ తరహా కథలపైనే దృష్టి పెడుతున్నారు. సినిమాల్లో ఆటల ద్వారా కూడా ఎమోషన్ ని చూపించి తెలుగు ప్రేక్షకులకు బాగా కనెక్ట్ అయ్యారు నాని. భీమిలి కబడ్డీ జట్టుతో తెలుగు సినిమాల్లో విషాద క్లైమాక్స్ పరిచయం చేసి.. మంచి ఎమోషన్ తో థియేటర్ నుండి ప్రేక్షకుడు బయటకు వచ్చేలా చేసారు. ఆ తర్వాతా రెండేళ్ల కిందట జెర్సీ తో మరోసారి ఆటగాడిగా మరణించి.. ఆడియన్స్ గుండెల్లో జీవించే పాత్ర చేసారు. తండ్రిగా.., భర్తగా.. లవర్ గా.., ఆటగాడిగా అందులో నాని ఒదిగిపోయారు. తెలుగు సినిమా అభిమానులకు కొత్త ఫీల్ పరిచయం చేశారు. ఇప్పుడు తాజాగా మరో ఆటల సినిమాకు నాని కమిట్ అయ్యారని టాక్ వస్తుంది..

Nani Next Movie: ఈసారి ఫుట్ బల్ నేపథ్యంలో..!

ఎనిమిదేళ్ల కిందట కబడ్డీ ఆటగాడిగా.., రెండేళ్ల కిందట క్రికెట్ ఆటగాడిగా మెప్పించిన నాని ఈ సారి ఫుట్ బల్ ఆటగాడిగా తనలో మరో కోణం చూపించడానికి సిద్ధమవుతునానరు. ఓ నూతన దర్శకుడు చెప్పిన కథ నానికి నచ్చడంతో దీనికి కమిట్ అయ్యారని సమాచారం. ప్రస్తుతం నాని నటించిన టక్ జగదీశ్ షూటింగ్ పూర్తయి, రిలీజ్ కి సిద్ధమైంది. కరోనా వెళ్లిన వెంటనే ఈ సినిమా వస్తుంది. తర్వాత శ్యామ్ సింగ రాయ్ షూటింగ్ దశలో ఉంది. ఇది పూర్తయ్యాక ఫుట్ బాల్ నేపథ్యంలో సాగే ఓ ఎమోషనల్ కథ చేయనున్నారని టాక్..!