Nidhhi Agerwal: నిధి అగ‌ర్వాల్‌.. ఈ బ్యూటీ గురించి ప్ర‌త్యేకంగా ప‌రిచ‌యాలు అవ‌స‌రం లేదు. `మున్నా మైకెల్` అనే హిందీ మూవీతో సినీ కెరీర్ స్టార్ట్ చేసిన ఈ ముద్దుగుమ్ము.. 2018లో వ‌చ్చిన `సవ్యసాచి` సినిమాలో యువ‌సామ్రాట్ అక్కినేని నాగ‌చైత‌న్య‌కు జోడీగా న‌టించి టాలీవుడ్‌లోకి అడుగు పెట్టింది. ఆ త‌ర్వాత చైతు త‌మ్ముడు అకిల్ అక్కినేనితో `మిస్టర్ మజ్ను` మూవీ చేసింది.
కానీ, అక్కినేని అన్న‌ద‌మ్ములిద్ద‌రూ నిధికి సక్సెస్ ఇవ్వ‌లేక‌పోయారు. అయితే టాలీవుడ్ ఎన‌ర్జిటిక్ స్టార్ రామ్ పోతినేని హీరోగా డైన‌మిక్ డైరెక్ట‌ర్ పూరీ జ‌గ‌న్నాథ్ తెర‌కెక్కించిన `ఇస్మార్ట్ శంక‌ర్‌` సినిమాలో ఓ హీరోయిన్‌గా న‌టించి.. తొలి హిట్‌ను ఖాతాలో వేసుకుంది. ఇక ప్ర‌స్తుతం ఈ భామ ప‌వ‌ర్ స్టార్ ప‌వ‌న్ కళ్యాణ్ స‌ర‌స‌న `హ‌రి హ‌ర వీర‌మ‌ల్లు` సినిమా చేస్తోంది.
క్రిష్ ద‌ర్శ‌క‌త్వం వ‌హిస్తున్న ఈ పీరియాడికల్‌ యాక్షన్ డ్రామాను ఎ.ఎం.రత్నం సమర్పణలో మెగా సూర్య ప్రొడక్షన్స్ బ్యానర్ పై ఎ.దయాకర్ రావు నిర్మిస్తున్నాడు. ష‌ర‌వేగంగా షూటింగ్ జ‌రుపుకుంటున్న ఈ చిత్రం త్వ‌ర‌లోనే విడుదల కానుంది. ఇదిలా ఉంటే.. సోష‌ల్ మీడియాలో సూపర్ యాక్టివ్‌గా ఉండే నిధి తాజాగా డ్యూరెక్స్ ఇంటెన్స్ అనే ఓ కండోమ్ బ్రాండ్‌ని ప్ర‌చారం చేస్తూ ఓ వీడియోను ఇన్‌స్టా ద్వారా వ‌దిలింది.
ఇది చూసిన నెటిజ‌న్లు నిధిని ఘోరంగా ట్రోల్ చేస్తున్నారు. ఇక కొంద‌రు ఆకతాయిలు.. ఆ కండోమ్స్‌ను నువ్వు ట్రై చేశావా..?, నీతో ట్రై చేయ‌వ‌చ్చా..?, నీ ఎక్స్‌పీరియ‌న్స్ చెప్పు అంటూ కామెంట్ బాక్స్‌ను బూతుల‌తో నింపేస్తున్నారు. మొత్తానికి కండోమ్ బ్రాండ్‌ని ప్ర‌మోట్ చేసి.. నిధి నెట్టింట హాట్ టాపిక్‌గా మారింది.
https://www.instagram.com/tv/CcNah-Zj5w6/?utm_source=ig_web_copy_link
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!