Prabhas: “బాహుబలి” బ్లాక్ బస్టర్ విజయం తో ప్రభాస్ పాన్ ఇండియా సూపర్ స్టార్ గా మారిపోయిన సంగతి తెలిసిందే. సౌత్ ఇండియా మొదలుకొని నార్త్ ఇండియా వరకు బాలీవుడ్ లో బడా బడా హీరోలకి లేని మార్కెట్.. నేషనల్ ఇంటర్నేషనల్ లెవల్ లో డార్లింగ్ ప్రభాస్ కి ఏర్పడింది. ఈ పరిణామంతో నేషనల్ మీడియా కూడా ఎక్కువగా ఇప్పుడు ప్రభాస్ చేస్తున్న ప్రాజెక్టులకు సంబంధించి న్యూస్ ఎక్కువగా కవర్ చేసే పరిస్థితి ఉంది.
ఇంత పాపులారిటీ వచ్చినా కానీ.. ప్రభాస్ తాజాగా బాలీవుడ్ మిస్టర్ పర్ఫెక్ట్ అమీర్ ఖాన్ కోసం వెనక్కి తగ్గినట్లు లేటెస్ట్ టాక్ బాలీవుడ్ మీడియా వర్గాలలో నడుస్తుంది. పూర్తి విషయంలోకి వెళితే అమీర్ ఖాన్ నటించిన “లాల్ సింగ్” ఆగస్టులో రిలీజ్ చేయటానికి రెడీ అయ్యారు. ఇదే సమయంలో బాలీవుడ్ డైరెక్టర్ ఓమ్ రౌత్ దర్శకత్వంలో ప్రభాస్ నటిస్తున్న “ఆదీ పురుష్”.. అదే నెలలో విడుదల చేయాలని ప్లాన్ చేయడం జరిగిందట.
దీంతో ఈ విషయం తెలుసుకొని అమీర్ ఖాన్..”లాల్ సింగ్” గురించి ప్రభాస్ వద్ద చర్చించి… “ఆదీ పురుష్”.. సినిమా యూనిట్ నీ ఒప్పించి.. తన సినిమా విడుదలకు ఎటువంటి ఆటంకం కలగకుండా రెండు పెద్ద సినిమాలు ఒకేసారి రిలీజ్ అవ్వడం వల్ల.. ఎవరికి లాభం ఉండదని తన సినిమాని రిలీజ్ అయ్యే రీతిలో అమీర్ ఖాన్ … డీల్ చేయడం జరిగిందట. “లాల్ సింగ్” విడుదలకి ఎటువంటి ఆటంకం కలుగకుండా ప్రభాస్ తన సినిమా ఆది పురుష్.. ఆగస్టు కాకుండా సెప్టెంబర్ మాసంలో విడుదల చేయాలని డిసైడ్ అయినట్లు టాక్.