సమంత ద్విభాషా చిత్రం

ప్ర‌స్తుతం పెర్ఫామెన్స్ ఓరియెంటెడ్ క‌థ‌ల‌కే ఎక్కువ ప్రాధాన్య‌త ఇస్తున్న హీరోయిన్ స‌మంత అక్కినేని. ప్ర‌స్తుతం ఈమె `ది ఫ్యామిలీ మేన్ 2` వెబ్ సిరీస్‌లో కీల‌క పాత్ర‌ను పోషిస్తుంది. దీని త‌ర్వాత స‌మంత మ‌రో సినిమాకు గ్రీన్ సిగ్న‌ల్ ఇవ్వ‌లేదు. తాజా స‌మాచారం మేర‌కు స‌మంత ఓ కోలీవుడ్ ద‌ర్శ‌కుడితో సినిమా చేయ‌నుంద‌ట‌. ఈ సినిమాను తెలుగు, త‌మిళ భాష‌ల్లో రూపొందించ‌నున్నారు. ఆ ద‌ర్శ‌కుడెవరో కాదు. అశ్విన్ శ‌ర‌వ‌ణ‌న్‌. ఇంత‌కు ముందు మ‌యూరి, గేమ్ ఓవ‌ర్ సినిమాల‌ను రూపొందించిన అశ్విన్ ఈసారి స‌మంత‌ను డైరెక్ట్ చేయ‌బోతున్నార‌ని టాక్‌. త్వ‌ర‌లోనే ఈ సినిమాకు సంబంధించిన మ‌రిన్ని వివ‌రాలు ప్ర‌క‌టించ‌నున్నారు.