SVP: రేపు శివరాత్రి సందర్భంగా సూపర్ స్టార్ మహేష్ బాబు అభిమానులకు “సర్కారు వారి పాట” సినిమా యూనిట్ నుండి సరికొత్త అప్డేట్ బయటకు వచ్చింది. అదేమిటంటే రేపు ఉదయం 11 గంటల 7 నిమిషాలకు.. “సర్కారు వారి పాట” సినిమా నుండి మరో సాంగ్ రిలీజ్ కానున్నట్లు టాక్. ఇప్పటికే రిలీజ్ అయిన “కళావతి సాంగ్” యూట్యూబ్ లో అనేక రికార్డులు సృష్టించడం తెలిసిందే. తమన్ అందించిన మెలోడీ మ్యూజిక్ సంగీత ప్రియులను ఎంతగానో అలరించింది. ఇక ఇదే సమయంలో మహేష్ బాబు కూడా చాలా డిఫరెంట్ స్టెప్పులు వేశాడు.
ఒక్క ఇండియాలోనే మాత్రమే కాకుండా ఇతర దేశాలలో కూడా “కళావతి” సాంగ్ ట్రెండింగ్ లో నిలిచింది. ఇక ఇదే సమయంలో ఇటీవల ఫిబ్రవరి 25వ తారీకు తమన్ త్వరలోనే రెండో సాంగ్ విడుదల చేస్తున్నట్లు సోషల్ మీడియాలో పోస్ట్ పెట్టడం మాత్రమే కాక “కళావతి సాంగ్” నీ బాగా ఆదరించినందుకు కృతజ్ఞతలు కూడా తెలిపాడు. ఈ నేపథ్యంలో రెండో సాంగ్ ఏ మాత్రం ఉంటుందా అన్నది ఇప్పుడు ఉత్కంఠ భరితంగా మారింది. గతానికి భిన్నంగా మహేష్ తన మేక్ఓవర్ “సర్కారు వారి పాట” సినిమాలో డిఫరెంట్ గా మార్చుకున్న క్రమంలో స్టోరీ ఏంటి అన్నది ఆసక్తికరంగా మారింది.
పైగా సినిమా విజయం విషయంలో పోకిరి తరహాలో బ్లాక్ బస్టర్ అవుతుందని మహేష్ చెప్పటం తో సినిమాపై అంచనాలు ఒక్కసారిగా పెరిగిపోయాయి. వేసవి సందర్భంగా మే 12వ తారీకు ఈ సినిమా రిలీజ్ కానుంది. వరుస విజయాల మీద ఉన్న మహేష్ బాబు… “సర్కారు వారి పాట” కూడా బ్లాక్ బస్టర్ విజయం సాధించడం గ్యారెంటీ అన్న కాన్ఫిడెంట్ తో ఉన్నాడు. ఈ సినిమా అయిన వెంటనే మార్చి రెండో వారం నుండి త్రివిక్రమ్ సినిమా షూటింగ్ లో మహేష్ జాయిన్ కానున్నాడు.