Prabhas: కొత్త సంవత్సరంలో సూపర్ డూపర్ హిట్ కొట్టిన హీరోలలో ప్రభాస్ కూడా ఒకరు. ” సలార్ ” సినిమాతో ప్రేక్షకుల ముందుకి వచ్చిన ప్రభాస్ భారీ స్థాయిలో కలెక్షన్స్ ను రాబట్టుకుని పోయాడు. ఇక ఈ సినిమాలో శృతిహాసన్ హీరోయిన్ గా నటించగా ప్రశాంత్ నీల్ దర్శకత్వం వహించిన సంగతి తెలిసిందే. ఇక ఈ మూవీ సక్సెస్ కావడంతో వరుస ఇంటర్వ్యూలలో పాల్గొంటున్నారు చిత్ర బృందం.
ఇక ప్రస్తుతం ఇందుకు సంబంధించిన ఓ వీడియో సోషల్ మీడియాలో నెట్టింట వైరల్ అవుతుంది. ఇందులో ప్రభాస్, శృతిహాసన్, పృధ్వీరాజ్ ఫన్నీగా మాట్లాడుకున్నారు. ఈ సందర్భంలోనే ప్రభాస్ డార్లింగ్ ఓకే.. కానీ రెబల్ స్టార్ అని ఎందుకంటారు?.. అంటూ పృధ్విరాజ్ సందేహం వ్యక్తం చెయ్యగా.. శృతిహాసన్ సైతం ఎందుకు? అని నేరుగా అడిగేసింది.
” ఈ మూవీ స్టార్ట్ అయినప్పుడు అందరూ డార్లింగ్ తో సినిమా చేస్తున్నావా అని అడిగేవారు.. అది విని విని హ అవును అంటూ చెప్పేదాన్ని. కానీ ప్రభాస్ ను కలిసిన వారం రోజులకే నాకు అర్థమైంది. తనను ఎందుకు డార్లింగ్ అని పిలుస్తారో ” అంటూ చెప్పుకొచ్చింది శృతిహాసన్. ఇక దీనిపై పృథ్వీరాజ్ మాట్లాడుతూ..” నాకు ప్రభాస్ ను రెబల్ స్టార్ అని ఎందుకు పిలుస్తారో తెలియదు. కానీ తనను డార్లింగ్ అని ఎందుకు అంటారో ఇప్పుడు అర్థమయింది ” అంటూ చెప్పుకొచ్చాడు పృధ్విరాజ్.
ఇక వెంటనే.. అవును ప్రభాస్.. నిన్ను రెబల్ స్టార్ అని ఎందుకు అంటారు? అంటూ శృతి క్వశ్చన్ చేసింది. ఇక దీంతో ప్రభాస్ రియాక్ట్ అవుతూ..” మా పెద్దనాన్న రెబల్ స్టార్ ” అంటూ నవ్వుతూనే బదులిచ్చాడు ప్రభాస్. ఇక వెంటనే శృతిహాసన్ మాట్లాడుతూ..” ఈ సినిమాలో రొమాన్స్ కంటే బ్రోమాన్స్ ఎక్కువ “.. అంటూ ఫన్నీ కామెంట్ చేసింది. మొత్తానికి ఈ ఇంటర్వ్యూలో వీళ్ళ ముగ్గురు ఫుల్ సందడి చేశారు. ఇక ప్రస్తుతం ఎందుకు సంబంధించిన వీడియో సోషల్ మీడియాలో వైరల్ అవుతుంది.