The India House: మెగా పవర్ స్టార్ రామ్ చరణ్ తేజ్ హీరోగా గత రెండు మూడు సంవత్సరాల నుండి బ్యాక్ టు బ్యాక్ విజయాలు అందుకుంటున్న సంగతి తెలిసిందే. “RRR” సినిమాతో ప్రపంచవ్యాప్తంగా చరణ్ మార్కెట్ ఒక్కసారిగా విస్తరించింది. హాలీవుడ్ ఇండస్ట్రీకి చెందిన వాళ్లు సైతం చరణ్ తో సినిమా చేయడానికి రెడీ అవుతున్నారు. ఇదిలా ఉంటే చరణ్ కొనదెల ప్రొడక్షన్స్ పతాకంపై ఇప్పటికే మెగాస్టార్ చిరంజీవితో పలు సినిమాలు చేయటం జరిగింది. సొంత బ్యానర్ లో ఈ రకంగా సినిమాలు చేస్తూ ఉన్నా చరణ్ ఇప్పుడు యువి క్రియేషన్స్ బ్యానర్ కి చెందిన విక్రమ్ రెడ్డి తో ఇప్పుడు చరణ్ మరో బ్యానర్ ఏర్పాటు చేశారు. వి మెగా పిక్చర్స్ అనే ప్రొడక్షన్ కంపెనీ చరణ్ స్టార్ట్ చేశారు.
ఇందులో మొదటి సినిమాగా నిఖిల్ తో పాన్ ఇండియా చిత్రం ఆదివారం ప్రకటించడం జరిగింది. “ది ఇండియా హౌస్” అనే టైటిల్ ఖరారు చేయడం జరిగింది. స్వాతంత్ర సమరయోధుడు వీర సవర్కర్ 14వ జయంతి సందర్భంగా చరణ్ టైటిల్, మోషన్ వీడియోను రిలీజ్ చేశారు. కొత్త దర్శకుడు రామ్ వంశీకృష్ణ దీనికి దర్శకత్వం వహించబోతున్నారు. కార్తికేయ 2, ది కాశ్మీర్ ఫైల్స్ నిర్మించిన అభిషేక్ అగర్వాల్ ఆర్ట్స్ సంస్థతో…వీ మెగా పిక్చర్స్ ఈ సినిమా నిర్మించనుంది. స్వాతంత్ర ఉద్యమానికి ముందు 1905లో లండన్ లో జరిగిన సంఘటనలు విప్లవానికి దారి తీసిన ఘటనలు ఆధారంగా ఈ సినిమాని తెరకెక్కిస్తున్నారు.
భారతీయ చరిత్రలో మరిచిన అధ్యాయం ఆధారంగా ఈ సినిమా ఉండబోతుందని మేకర్స్ తెలియజేశారు. సావర్కర్ జీవితంలో ఓ భాగాన్ని ఇందులో చూపించనున్నారు. ఈ సినిమాలో నిఖిల్ శివ పాత్రలో కనిపించబోతున్నారు. అదేవిధంగా బాలీవుడ్ నటీనటులు.. మరి కొంతమంది సాంకేతిక నిపుణుల వివరాలు తెలియాల్సి ఉంది. ప్రస్తుతం నిఖిల్ “స్పై” అనే చిత్రంలో నటిస్తున్నారు. ఈ చిత్రం షూటింగ్ కంప్లీట్ అయిన వెంటనే “ది ఇండియా హౌస్” సినిమా రెగ్యులర్ షూటింగ్ లో నిఖిల్ పాల్గొననున్నట్లు సమాచారం.