Female Villains: ఒక సినిమాకు హీరో ఎంత అవసరమో హీరోయిన్ కూడా అంతే ముఖ్యం. కానీ, చాలా సినిమాల్లో హీరోయిన్లు కేవలం గ్లామర్ షోకే పరిమితం అయిపోతున్నారు. అయితే కొందరు హీరోయిన్లు మాత్రం తమ అందచందాలతో ఆకట్టుకోవడమే కాదు.. విలనిజం చూపించి ప్రేక్షకుల మతిపోగొట్టారు. మరి ఆ హీరోయిన్లు ఎవరు..? ఏయే సినిమాల్లో వారు విలన్గా నటించారు..? వంటి విషయాలను ఇప్పుడు తెలుసుకుందాం.
సౌందర్య: తెలుగుతో పాటు తమిళ్, కన్నడ, మలయాళ భాషలలో వందకు పైగా చిత్రాలు చేసి భారీ ఫ్యాన్స్ ఫాలోయింగ్ను సంపాదించుకున్న దివంగత నటి సౌందర్య.. హీరోయిన్గానే కాదు ఓ చిత్రంలో విలన్గానూ నటించింది. అదే `నా మనసిస్తా రా`. శ్రీకాంత్ హీరోగా రూపుదిద్దుకున్న ఈ చిత్రంలో విలన్ షేడ్స్ కలిగిన పాత్రని సౌందర్య అద్భుతంగా పోషించి మంచి మార్కులను వేయించుకుంది.
రమ్యకృష్ణ: గ్లామర్ హీరోయిన్గా కుర్రకారును అల్లాడించిన రమ్యకృష్ణ.. సూపర్ స్టార్ రజనీకాంత్ హీరోగా తెరకెక్కిన `నరసింహ` సినిమాలో నీలాంబరిగా తనలోని విలనిజం చూపించి అదరగొట్టేసింది.
పాయల్ రాజ్ పుత్: ఈమె తొలి చిత్రమైన `ఆర్ఎక్స్ 100`లోనే నెగెటివ్ రోల్ పోషించి విమర్శకుల నుంచి ప్రశంసలు అందుకుంది. అజయ్ భూపతి దర్శకత్వం వహించిన ఈ సినిమాలో కార్తికేయ హీరోగా నటించాడు.
త్రిష: ధనుష్ హీరోగా రూపుదిద్దుకున్న `ధర్మయోగి` చిత్రంలో త్రిష.. రాజకీయంలో పదవి కంటే ఏదీ ముఖ్యం కాదనుకునే నెగటివ్ పాత్రను పోషించి ప్రేక్షకులను ఆకట్టుకుంది.
తమన్న భాటియా: మిల్కీ బ్యూటీ తమన్నా ఈ మధ్య విడుదలైన `మాస్ట్రో`లో విలన్ రోల్ను పోషించింది. నితిన్ హీరోగా రూపుదిద్దుకున్న ఈ సినిమాలో తమన్నా నటనకు మంచి మార్కులు పడ్డాయి.
ఇక `చారులత` సినిమాలో ప్రియమణి, అడివి శేష్ హీరోగా వచ్చిన ‘ఎవరు’ సినిమాలో రెజీనా కాసాండ్రా, `యుగానికి ఒక్కడు` సినిమాలో రీమా సేన్, `డాన్` సినిమాలో నిఖితలు సైతం నెగటివ్ పాత్రను పోషించి ప్రేక్షకులను మెప్పించారు.