Sai pallavi: సాయి పల్లవి అంటే ఎలాంటి సినిమా అయినా తన పాత్రతో సౌత్ ఆడియన్స్‌ను ఫిదా చేసేస్తుందని ఇప్పటి వరకు అందరూ చెప్పుకున్నారు. టాలీవుడ్‌కు ఫిదా సినిమాతో హీరోయిన్‌గా ఎంట్రీ ఇచ్చిన సాయి పల్లవి ఆ తర్వాత ఎం సి ఏ, పడి పడి లేచే మనసు, లవ్ స్టోరి చిత్రాలతో విపరీతంగా క్రేజ్ సంపాదించుకొని టాలీవుడ్‌లో సెటిలయింది. ఇటీవల వచ్చిన లవ్ స్టోరి సినిమాతో మరో సూపర్ సక్సెస్ అందుకుంది. ఈ సినిమాలోనూ సాయి పల్లవికే ఎక్కువ పేరొచ్చింది.
నేచురల్ పర్ఫార్మెన్స్‌తో డాన్సులతో సాయి పల్లవి ఫిదా చేసేస్తుందని మెగాస్టార్ చిరంజీవి లాంటి వారు కూడా పొగడ్తల వర్షం కురిపించారు. కొన్ని ప్రత్యేకమైన పాత్రలుంటే అలాంటి సినిమాకు సాయి పల్లవి మాత్రమే కావాలని పట్టుపడుతున్నారు. కీర్తి సురేశ్, పూజా హెగ్డే రష్మిక మందన్నలతో పోల్చుకుంటే తెలుగులో సాయి పల్లవి చేసింది తక్కువ సినిమాలే అయినా కొన్ని విషయాలలో వారికంటే ఓ మెట్టు పైనే ఉంది.
Sai pallavi: సాయి పల్లవి ఉన్న సినిమాకు భారీ స్థాయిలో క్రేజ్ నెలకొంటుంది.
అందుకే సాయి పల్లవి ఉన్న సినిమాకు భారీ స్థాయిలో క్రేజ్ నెలకొంటుంది. తాజాగా నాని నటించిన శ్యామ్ సింగ రాయ్ సినిమా రిలీజ్‌కు ముందు వరకు సాయి పల్లవి పోస్టర్స్ చూసి అందరూ అదే అనుకున్నారు. ఈ సినిమాలో సాయి పల్లవి దే పై చేయి అవుతుందని చెప్పుకున్నారు. కానీ, తీరా సినిమా రిలీజయ్యాక చూస్తే మాత్రం నానికే ఎక్కువ పేరు దక్కింది. ఈసారి సాయి పల్లవి రోల్ అంతగా ఎస్టాబ్లిష్ కాలేదని టాక్ వినిపిస్తోంది. ఉప్పెన సినిమాతో టాలీవుడ్‌కు హీరోయిన్‌గా పరిచయమైన కృతి శెట్టి,
అలాగే గతంలో ప్రేమమ్ సినిమాతో పరిచయమైన మడోనాలతో కలిపి మాట్లాడుకుంటున్నారు తప్ప ప్రత్యేకించి మాత్రం సాయి పల్లవి గురించి మాట్లాడుకోవడం లేదు. చూడాలి లాంగ్ రన్‌లో ఏమైనా సాయి పల్లవి పేరు వినిపిస్తుందేమో.
Small Screen Couple: పెళ్లయి నెల తిరక్కముందే విడాకులు తీసుకుంటున్న బుల్లితెర నటుడు కూతురు… నిజాలను బయటపెట్టిన నటి..!