Prabhas Vijay Deverakonda: యంగ్ రెబల్ స్టార్ ప్రభాస్ ప్రస్తుతం వరుస పెట్టి సినిమాలు చేస్తున్న సంగతి తెలిసిందే. “బాహుబలి” తర్వాత దాదాపు 5 సంవత్సరాలు పాటు హిట్ చూడలేదు. ఆ ఐదు సంవత్సరాలలో ప్రభాస్ చేసిన మూడు సినిమాలు బాక్సాఫీస్ వద్ద పరాజయం పాలయ్యాయి. కానీ “సలార్” సినిమాతో భారీ విజయాన్ని అందుకోవటం జరిగింది. గత ఏడాది డిసెంబర్ 22వ తారీకు విడుదలైన “సలార్” బ్లాక్ బస్టర్ విజయం సాధించింది. ప్రశాంత్ నీల్ టేకింగ్ ప్రభాస్ అభిమానులను ఎంతగానో ఆకట్టుకుంది. దీంతో ఇప్పుడు సెకండ్ పార్ట్ కోసం ఫ్యాన్స్ ఎదురుచూస్తున్నారు. పరిస్థితి ఇలా ఉంటే బాలీవుడ్ ఇండస్ట్రీలో ఇంట్రెస్టింగ్ న్యూస్ చెక్కర్లు కొడుతుంది. అదేమిటంటే ప్రభాస్ ప్రస్తుతం నాగ్ వంశీ దర్శకత్వంలో “కల్కి 2898 AD” అనే సినిమా చేస్తున్న సంగతి తెలిసిందే.
ప్రభాస్ కెరియర్ లోనే అత్యంత హై బడ్జెట్ తో తెరకెక్కుతోంది. అంతేకాదు ఈ సినిమాలో భారీ కాస్టింగ్ కూడా ఉంది. బాలీవుడ్ ఇండస్ట్రీ కి చెందిన లెజెండ్ నటుడు అమితాబచ్చన్, దీపికా పదుకొనే, దిశాపటాని కీలకపాత్రలు చేస్తున్నారు. ఇంకా సౌత్ ఫిలిం ఇండస్ట్రీకి చెందిన విలక్షణ నటుడు కమల్ హాసన్.. ఈ సినిమాలో విలన్ పాత్రలో కనిపిస్తున్నారు. దాదాపు ₹500 కోట్ల రూపాయల కంటే ఎక్కువ బడ్జెట్ తో ఈ సినిమా తెరకెక్కుతోంది. ఈ ఏడాది సమ్మర్ లో సినిమా రిలీజ్ కాబోతోంది. ఈ క్రమంలో “కల్కి 2898 AD”లో ప్రభాస్ తో పాటు ఇప్పుడు టాలీవుడ్ స్టార్ హీరో విజయ్ దేవరకొండ అతిధి పాత్రలో మెప్పించబోతున్నారట. త్వరలోనే విజయ్ దేవరకొండ పాత్రకి సంబంధించి షూటింగ్ జరగనున్నట్లు సమాచారం.
గతంలో నాగ్ అశ్విన్ దర్శకత్వంలో “మహానటి” సినిమాలో కూడా విజయ్ దేవరకొండ నటించడం జరిగింది. ఇప్పుడు అదే రీతిలో “కల్కి 2898 AD”లో కీలకపాత్రలో విజయ్ దేవరకొండ నటించబోతున్నట్లు వార్తలు వైరల్ అవుతున్నాయి. ఈ సినిమా ఇండియన్ ఫిలిం ఇండస్ట్రీ స్థాయిని మరో మెట్టుకి తీసుకెళ్తుందని చాలామంది చెబుతున్నారు. అంతేకాదు ఈ సినిమాలో కీలక సన్నివేశాలను హాలీవుడ్ కెమెరాలతో చిత్రీకరించడం జరిగిందట. సూపర్ హీరోస్ నేపథ్యంలో సైన్స్ ఫిక్షన్ స్టోరీతో “కల్కి 2898 AD” తెరకెక్కుతున్నట్లు సమాచారం.