Family Star: స్టార్ హీరో విజయ్ దేవరకొండ గత ఏడాది “ఖుషి”తో మళ్లీ హిట్ ట్రాక్ ఎక్కటం జరిగింది. అంతకు ముందు దాదాపు రెండు మూడు సంవత్సరాలు పాటు వరుసపరాజయాలతో అనేక ఇబ్బందులు ఎదుర్కొన్నారు. పలు ప్రయోగాత్మకమైన సినిమాలు చేసి విఫలం చెందడం జరిగింది. అయితే ఎప్పుడూ తనకి కలిసొచ్చే లవ్ స్టోరీ నేపథ్యం కలిగిన రొమాంటిక్ కథతో “ఖుషి” సినిమా విజయంతో ఊపిరి పీల్చుకున్నారు. కాగా ఇప్పుడు తన కెరియర్ లో “గీత గోవిందం” వంటి రొమాంటిక్ హిట్ ఇచ్చిన దర్శకుడు పరుశురాం దర్శకత్వంలో “ఫ్యామిలీ స్టార్” అనే సినిమా చేయడం జరిగింది. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ సినిమాని నిర్మించారు.
ఏప్రిల్ 5వ తారీఖు తెలుగు, తమిళ్, హిందీ భాషల్లో రిలీజ్ చేయబోతున్నారు. ఈ సినిమాకి సంబంధించి టీజర్ సోమవారం రిలీజ్ అయింది. చెప్పిన సమయం కంటే కాస్త ఆలస్యంగా విడుదలయ్యింది. కానీ “ఫ్యామిలీ స్టార్” టీజర్ మాత్రం అందరిని ఆకట్టుకుంది. టీజర్ లో హీరో విజయ్ దేవరకొండ మధ్య తరగతి కుటుంబానికి చెందిన వ్యక్తిగా కనిపిస్తున్నాడు. అంతేకాదు.. విజయ్ లుక్ మరియు డైలాగ్ డెలివరీ అంతా తెలంగాణ స్లాంగ్ లో ఆకట్టుకున్నాయి. మృణాల్ ఠాకూర్ హీరోయిన్ గా నటిస్తోంది.
ఒక నిమిషం నాలుగు సెకండ్ల నిడివి కలిగిన ఈ టీజర్ లో యాక్షన్ సన్నివేశాలకు పెద్దపీట వేయడం జరిగింది. సినిమాలో హీరో పాత్ర కుటుంబానికి ఎక్కువ ప్రాధాన్యత ఇచ్చే వ్యక్తిగా ఉంది. ఇదే సమయంలో టీజర్ చివరిలో మృణాల్ ఠాకూర్… విజయ్ దేవరకొండ అని ఏవండీ అని రొమాంటిక్ గా పిలవడం కూడా హైలెట్ గా నిలిచింది. గోపి సుందర్ సంగీతం అందించిన ఈ సినిమా లో ఇప్పటికే ఒక పాట రిలీజ్ అయి ఆకట్టుకోవటం జరిగింది. “ఫ్యామిలీ స్టార్” కచ్చితంగా విజయ్ దేవరకొండ కెరియర్ లో విజయం సాధిస్తుందని అభిమానులు ఆశిస్తున్నారు.