Mahesh Babu: ఇండియా మొత్తం మహేష్.. రాజమౌళి ప్రాజెక్టు కోసం ఎదురుచూస్తూ ఉంది. ఇప్పటికే ఈ సినిమా స్క్రిప్ట్ వర్క్ కంప్లీట్ చేసిన విజయేంద్ర ప్రసాద్.. పలు వెబ్ మీడియా ఛానల్స్ ఇంటర్వ్యూలో మాట్లాడుతూ సినిమా యాక్షన్ అడ్వెంచర్ ఫారెస్ట్ బ్యాక్ డ్రాప్ తో స్టోరీ ఉండబోతుందని స్పష్టం చేయడం జరిగింది. కాగా లేటెస్ట్ గా సినిమా షూటింగ్ త్వరలోనే స్టార్ట్ కాబోతున్నట్లు తెలిపారు. ఇటీవల బళ్లారిలో ఓ దేవాలయం ప్రారంభోత్సవ కార్యక్రమంలో పాల్గొన్న విజయేంద్ర ప్రసాద్ .. అక్కడి రాజకీయ నాయకులతో మాట్లాడుతూ ఈ వ్యాఖ్యలు చేయడం జరిగిందంట. అంతేకాదు సినిమాకి ఇంకా టైటిల్ కూడా ఖరారు చేయలేదని స్పష్టం చేశారట.
ఇండస్ట్రీలో నుండి వస్తున్న సమాచారం ప్రకారం ఈ నెలలో పెద్ద ఎత్తున ప్రెస్ మీట్ పెట్టి.. సినిమాకి సంబంధించి అనేక విషయాలు తెలియజేసి అప్పుడు రెగ్యులర్ షూటింగ్ మొదలుపెట్టడానికి రాజమౌళి డిసైడ్ అయినట్లు వార్తలు వస్తున్నాయి. గతంలో ఈ రకంగానే బాహుబలికి, RRR సినిమాలకు మీడియా సమావేశం నిర్వహించి అప్పుడు షూటింగ్ స్టార్ట్ చేశారు. ఇదే రకంగా మహేష్ సినిమా కూడా స్టార్ట్ చేయనున్నట్లు టాక్.
ఎందుకంటే మే నెలలో కృష్ణ పుట్టినరోజు నేపథ్యంలో… ఆ సమయానికి తన కొత్త సినిమా విషయాలు తెలియజేయడం మహేష్ కి సెంటిమెంట్ కావటంతో… రాజమౌళి ఈ ప్లాన్ చేసినట్లు వార్తలు వస్తున్నాయి. ఏప్రిల్ నుండి రెగ్యులర్ షూటింగ్.. కృష్ణ జయంతి సందర్భంగా మే నెలలో మహేష్ సినిమా టైటిల్ ప్రకటన ఉండబోతున్నట్లు వార్తలు వస్తున్నాయి. ఇండియన్ ఫిలిం ఇండస్ట్రీలో ఇప్పటివరకు తెరకెక్కని బడ్జెట్ అనగా దాదాపు ₹1000 కోట్ల రూపాయలతో ఈ సినిమాని పాన్ వరల్డ్ తరహాలో నిర్మించబోతున్నట్లు సమాచారం. ఇప్పటికే ఈ సినిమా కోసం జర్మనీ దేశంలో అడవులలో మహేష్ పర్యటించారు. ఎట్టి పరిస్టితిలో ఈ సినిమాని వరల్డ్ లోనే ది బెస్ట్ గా తీయాలనీ జక్కన్న ప్లాన్. సో ఎక్కడ కూడా ఈ సినిమా కోసం కాంప్రమైజ్ కాకుండా వ్యహరిస్తున్నారు.
Manasichi Choodu: మేము పెళ్లి కాకముందే అటువంటి పని చేశాము.. మనసిచ్చి చూడు సీరియల్ ఫేమ్ కీర్తి బోల్డ్ కామెంట్స్..!