నవదీప్.. టాలీవుడ్ లో మోస్ట్ ఎలిజిబుల్ బ్యాచ్ లర్. నవదీప్ ఎక్కడికెళ్లినా.. ఎవరిని కలిసినా.. ఇంకా పెళ్లెందుకు చేసుకోలేదు. పెళ్లెప్పుడు చేసుకుంటావ్.. అంటూ తెగ అడిగేస్తున్నారు. నవదీప్ పెళ్లి ఎప్పుడౌతుందో ఏమో? ఓవైపు టాలీవుడ్ యువ కథానాయకులంతా పెళ్లిళ్లు చేసుకొని పిల్లాపాపలతో ఖుషీగా ఉంటే.. నవదీప్ ఏంటి.. ఇంకా సింగిల్ గానే ఉంటున్నాడు. తనకు నచ్చిన అమ్మాయి దొరికిందో లేదో? అంటూ నవదీప్ అభిమానులు కూడా తెగ ఆందోళన చెందుతున్నారు.
అయితే.. తను ఎందుకు పెళ్లి చేసుకోవడం లేదో.. తాజాగా చెప్పేశాడు. ఆలీతో సరదాగా కార్యక్రమంలో గెస్ట్ గా పాల్గొన్న నవదీప్.. తను ఎందుకు ఇంకా పెళ్లి చేసుకోలేదో అసలు నిజం చెప్పేశాడు.
అసలు పెళ్లి ఎందుకు చేసుకోవాలి? ఏ అవసరం గురించి చేసుకోవాలో తెలియడం లేదంటూ నవదీప్ చెప్పేయడంతో ఆలీ కూడా వెంటనే మీ నాన్నను అడగలేకపోయావా? అంటూ పంచ్ వేస్తాడు. అంటే ఇన్ డైరెక్ట్ గా తనకు పెళ్లి చేసుకునే అవసరం లేదని నవదీప్ చెప్పినట్టే కదా. తన పెళ్లి గురించి నవదీప్ ఇంత క్లారిటీ ఇచ్చాక.. ఇక ఆయన పెళ్లి గురించి ఎందుకు అడుగుతారు చెప్పండి..
దానికి సంబంధించిన ప్రోమో ప్రస్తుతం యూట్యూబ్ లో హల్ చల్ చేస్తోంది. మీరు కూడా ఓ లుక్కేయండి మరి..