ఉషాకిరణ్ మూవీస్ నిర్మించిన పీపుల్స్ ఎన్కౌంటర్ చిత్రం ద్వారా వెండితెరకు పరిచయం అయిన శ్రీకాంత్ ఆ తర్వాత 1993 లో వచ్చిన వన్ బై టు చిత్రం ద్వారా హీరోగా పరిచయం అయ్యాడు. కానీ 1996 లో కె. రాఘవేంద్రరావు దర్శకత్వంలో వచ్చిన పెళ్ళి సందడి చిత్రం శ్రీకాంత్ కెరీయర్ను మలుపుతిప్పింది. ఆ సమయంలో ఈ మూవీ బడ్జెట్కు వచ్చిన లాభాలకు అసలు పొంతనేలేదట. అలా నిర్మాతల్ని లాభాల్లో నడిపించి సక్సెస్ అయిన పెళ్లి సందడి సినిమాకి సీక్వెల్ కాని చేస్తే బాగుంటుందని చిత్రపరిశ్రమలో చాలా రోజుల నుండి అనుకుంటున్నారు.
ఇదే సమయంలో రాఘవేంద్ర రావు పెళ్లిసందడి చిత్రానికి సీక్వెల్ ను ప్రకటించాడు. ఆ సినిమాకు ఈ సినిమాకు సంబంధం ఉందా లేదా అనే విషయంలో క్లారిటీ లేదు. కాని ఇందులో హీరో గా నటించేది శ్రీకాంత్ మాత్రం కాదు. కానీ ఈ సీక్వెల్ మూవీలో శ్రీకాంత్ తనయుడు రోషన్ హీరోగా కనిపించబోతున్నాడు. ఇదే సమయంలో శ్రీకాంత్ కీలక పాత్రలో కనిపించబోతున్నట్లుగా కూడా ప్రచారం జరుగుతుంది. అంతే కాదు బహుమఖ ప్రజ్ఞాశాలి అని పేరు తెచ్చుకున్న తనికెళ్ల భరణి ఈ చిత్రంతో మళ్లీ మెగా ఫోన్ పట్టబోతున్నాడట.
మీడియా వర్గాల నుండి అందుతున్న విశ్వసనీయ సమాచారం ప్రకారం రాఘవేంద్ర రావు నిర్మాణ సారథ్యంలో రూపొందబోతున్న ఈ పెళ్లిసందడి సినిమాకు భరణి దర్శకత్వం వహిస్తాడని తెలుస్తోంది. కాగా ఇప్పటి వరకు ఈ సినిమాకు సంబంధించిన ఎలాంటి ప్రకటన రాలేదు. ఇకపోతే శ్రీకాంత్ అభిమానులు మాత్రం ఈ చిత్రం ఎప్పుడెప్పుడు విడుదల అవుతుందా ఇందులో తండ్రి, కొడుకుల పాత్రలు ఎలా ఉండబోతున్నాయి అనే ఆసక్తితో ఎదురు చూస్తున్నారట. మరి ఈ సినిమా ఎప్పుడు సెట్స్ మీదకి వెళ్ళబోతుందో చూడాలి. ఇక ఈ సీక్వెల్ కి పెళ్ళి సందడి నే వెరైటీగా ” పెళ్ళి సందD ” అని పెట్టారు.