Arthritis: వయసు తో బేధం లేకుండా ఎక్కువ మంది ని వేదిస్తున్న సమస్యలలో ఆర్థరైటిస్ (Arthritis) ఒకటి.. కీళ్ళకు వచ్చే అతి పెద్ద సమస్య ఆర్థరైటిస్. కీలు లోపలంతా వాచిపోయి విపరీతమైన నొప్పిని కలిగిస్తుంది. ఎంతలా అంటే కాలు కదపలేనంత నొప్పి.. ఆర్థరైటిస్ ఎన్ని రకాలో.. ఇది రాకుండా ఉండేందుకు ఎలాంటి జాగ్రత్తలు తీసుకోవాలో ఇప్పుడు చూద్దాం..!!
Arthritis: ఆర్థరైటిస్ రకాలు.. ఇవి తీసుకోండి..
ఆర్థరైటిస్ అంటే కీళ్లలో మంట, నొప్పితో కూడిన వాపులు. ఇవి 170 రకాల కీళ్ల జబ్బుల సముదాయం. ఆర్థరైటిస్ అనేది కీలు అరగిపోవడం వలన కూడా వస్తుంది. దీనినే ఆస్టియో ఆర్థరైటిస్ (Osteoarthritis) అంటాము. శరీరం ఏదైనా ఇన్ఫెక్షన్ బారిన పడి అది కీలు వరకు చేరి కీళ్ల నొప్పి వస్తుంది. దీన్ని ఇన్ఫెక్టివ్ ఆర్థరైటిస్ (Infectious arthritis) అని పిలుస్తారు. చర్మ సమస్యల వలన కూడా కీళ్ల నొప్పులు, వస్తాయి. ముఖ్యంగా సోరియాసిస్ చర్మ సమస్యతో బాధపడుతున్న వారిలో. దాన్ని సోరియాసిస్ ఆర్థరైటిస్ (Psoriasis Arthritis ) అంటారు. అలాగే మూత్ర ఇన్ఫెక్షన్స్, నీళ్ల విరేచనాల, మూత్ర సమస్యలు ఉన్నవారిలో కీళ్ల వాపు వస్తుంది. దీనిని రియాక్టివ్ ఆర్థరైటిస్ (Reactive arthritis ) అని పిలుస్తారు. చికెన్ గున్యా, వైరల్ ఇన్ఫెక్షన్స్, వైరల్ ఫివర్స్, వైరల్ డిసీస్ వచ్చినప్పుడు కూడా కీళ్ల వాపులు వస్తాయి. దీన్ని వైరల్ రియాక్టివ్ ఆర్థరైటిస్ ( Viral Reactive arthritis ) అంటారు.
ఇలా కీళ్ల వాపుల్లో చాలా రకాలు ఉన్నాయి. అయితే ఇవన్నీ ఏదో ఒక కారణం వలన వస్తాయి. వీటన్నింటికీ భిన్నంగా ఒక కారణం ఏమీ లేకుండా వచ్చేదే అతి పెద్ద సమస్యే.. రుమటాయిడ్ ఆర్థరైటిస్ (Rheumatoid arthritis).. ఇది ఎవరికీ ఎందుకు వస్తుందో ఒక ప్రత్యేకమైన కారణం ఏంటో ఇప్పటివరకు ఎవ్వరికి తెలియదు. అయితే ప్రతి వంద మందిలో రుమటాయిడ్ ఆర్థరైటిస్ సమస్య ఒకరికి వస్తుంది.. ఒక్కసారి ఈ సమస్య బారిన పడితే కీళ్లు ఎర్రగా వాచ్చిపోతాయి. తీవ్రమైన నొప్పితో వేళ్ళు, కాలు, మణికట్టు వంటి జాయింట్ ను వేధించే సమస్య కీళ్ళవాతం. ఇది దీర్ఘకాలిక సమస్య. ఆర్థరైటిస్ ను నిర్లక్ష్యం చేస్తే అనేక అనారోగ్య సమస్యలు తలెత్తుతాయి. ముఖ్యంగా గుండె, ఊపిరితిత్తులు, కళ్ళు ఈ అవయవాల పై ప్రభావం చూపుతుంది. కొన్ని సార్లు విషమంగా మారుతుంది. అయితే ఆర్థరైటిస్ నొప్పి వచ్చినప్పుడు తగ్గడానికి వీటిని తీసుకోండి.
తీవ్రమైన కీళ్ళ నొప్పి ఉన్నప్పుడు అల్లం టీ తయారు చేసుకునీ తాగండి. వెంటనే ఉపశమనం కలుగుతుంది. అలగే ఒక గ్లాసు గోరువెచ్చని పసుపు పాలు తాగండి. చక్కటి ఫలితాలు కలుగుతాయి. వీటిలో ఉండే యాంటీ ఇన్ఫ్లమేటరీ గుణాలు నొప్పిని తగ్గించడానికి అద్భుతంగా సహాయపడుతాయి. ఈ రోజుల్లో గ్రీన్ టీ ను ఎక్కువగా తాగుతున్నారు. కీళ్ల నొప్పి వేధిసుతున్నప్పుడు వేడి వేడి గా ఒక గ్రీన్ టీ తాగండి. వెంటనే రిలీఫ్ వస్తుంది. యూకలిప్టస్ ఆయిల్ తో నొప్పి ఉన్నచోట రాస్తే ఫలితం కనిపిస్తుంది. అలాగే అలోవెరా జెల్ ను నేరుగా రాసి మర్దన చేస్తే తక్షణ ఉపశమనం కలిగిస్తుంది.