Bigg Boss Telugu OTT: తెలుగు ఓటిటి బిగ్ బాస్ షో చాలా రసవత్తరంగా సాగుతోంది. కాని బయట ఆడియన్స్ నుండి ఓటీటీ పరంగా కంటే టెలివిజన్ లోనే కొద్దిగా ఎంటర్టైన్మెంట్ ఎక్కువగా ఉందని అంటున్నారు. 24 గంటల షో కంటే టీవీలో వచ్చే ఒక గంట షో చాలా ఎంటర్టైన్మెంట్ గా ఉండేది అనే టాక్ బయటినుండి బాగా వినబడుతుంది. ఇదిలా ఉంటే ఐదో వారం ఎలిమినేషన్ కి సంబంధించి వీకెండ్ ఎపిసోడ్ లో నాగార్జున కంటెస్టెంట్ తేజస్వి ఎలిమినేట్ అయినట్లు ప్రకటించడం జరిగింది.
17 మంది సభ్యులు ఎంట్రీ ఇవ్వగా ఐదుగురు హౌస్ నుండి ఎలిమినేట్ అయ్యారు. మొదటివారం ముమైత్ ఖాన్, తర్వాత వారం శ్రీ రాపాక, మూడవ వారం ఆర్జే చైతు.. తర్వాత సరియు… 5వ వారం తేజస్వి ఎలిమినేట్ కావడం జరిగింది. ఈ నేపథ్యంలో హౌస్ నుండి ఎలిమినేట్ అయ్యాక యాంకర్ రవి కి ఎలిమినేట్ అయిన కంటెస్టెంట్ ఇంటర్వ్యూ ఇస్తున్న సంగతి తెలిసిందే. ఈ సందర్భంగా ఇంటర్వ్యూలో తెలుగు ఓటిటి బిగ్ బాస్ షోకి సంబంధించి అనేక విషయాలు తెలియజేసిన తేజస్వి .. తోటి కంటెస్టెంట్ నటరాజ్ మాస్టర్ పై సంచలన డైలాగ్ వేసింది.
నటరాజ్ మాస్టర్ హౌస్ లో చాలా కన్నింగ్ గేమ్ ఆడుతున్నాడని.. గుంటనక్క అని తేజస్వి పేర్కొంది. సీజన్ ఫైవ్ లో ఇదే డైలాగ్ తో చాలా మందిని నటరాజ్ మాస్టర్ కామెంట్లు చేయడం జరిగింది. ఇక ఇదే రీతిలో తేజస్వి.. నటరాజ్ మాస్టర్ పై డైలాగ్ వేయటం వైరల్ గా మారింది. హౌస్ లో తేజస్వి ఎలిమినేట్ కావడంతో.. మొత్తం ఇప్పుడు ఇంకా 12 మంది మిగిలి ఉన్నారు.
