Russia Ukraine War: అంతర్జాతీయ సంబంధాల పరంగా రష్యా భారత్ బంధం చాలా బలమైనది అని అందరికీ తెలుసు. ఆయుధాలను దిగుమతి విషయంలో భారత్ దాదాపు 50 శాతం కంటే ఎక్కువగా రష్యా నుండి దిగుమతి చేసుకునే పరిస్థితి. అంతర్జాతీయ స్థాయిలో ఎటువంటి ఇబ్బందులు ఎదురైనా ఇండియా కి మద్దతుగా రష్యా ఎప్పటినుండో నిలుస్తూ ఉంటుంది. అయితే ఇటీవల రష్యా దేశాల మధ్య జరుగుతున్న యుద్ధం విషయంలో భారత్ తటస్థ వైఖరి అవలంబిస్తూ.. సపోర్ట్ చేయడం లేదా ఖండించడం అనేది ఏమీ చేయని పరిస్థితి. మరోపక్క యుద్ధం విషయంలో రెండు దేశాలు ఏమాత్రం వెనకడుగు వేయడం లేదు.
రష్యా బలగాలు ఉక్రెయిన్ లో బాంబుల వర్షం కురిపిస్తున్నాయి. ప్రభుత్వ భవనాలు అదే విధంగా సామాన్య జనులనీ ఇంకా ప్రధాన నగరాలను టార్గెట్ చేసుకుని రష్యా చేస్తున్న దాడులు… ప్రపంచ స్థాయిలో తీవ్రంగా రష్యా పై వ్యతిరేక భావన కల్పిస్తున్నాయి. ఇటువంటి తరుణంలో ఐక్యరాజ్యసమితిలో యుద్ధానికి సంబంధించి మానవతా పరిస్థితిపై రూపొందించిన తీర్మానంపై ఓటింగ్ విషయంలో ఇండియా చాలా దూరంగా ఉంది. ఎప్పటిలాగానే అంతర్జాతీయ దౌత్య నీతిని ప్రదర్శించింది.
విషయంలోకి వెళ్తే ఐక్యరాజ్య సమితి భద్రతా మండలి సమావేశంలో రష్యా రూపొందించిన ఉక్రెయిన్ మానవతా పరిస్థితి… తీర్మానంపై ఇండియా ఓటింగ్ కి చాలా దూరంగా ఉంది. అయితే ఈ ఓటింగ్లో భారత్తో సహా 15 దేశాలు పాల్గొనగా 13 దేశాలు ఓటు వేయలేదు. రష్యా ప్రవేశపెట్టిన ఈ తీర్మానానికి మద్దతుగా చైనా మాత్రమే ఓటు వేయడం గమనార్హం. ఇక ఇదే సమయంలో అంతకుముందు పాశ్చాత్యదేశాల్లో రష్యాకు వ్యతిరేకంగా తీసుకొచ్చిన అభిశంసన తీర్మానం పై కూడా భారత్ అటు ఇటు కాని వైఖరిని ప్రదర్శించడం జరిగింది.