Moisturizer: అసలే చలికాలం.. చర్మం పొడిబారిపోతుంది.. మాయిశ్చరైజర్ వాడటం తప్పనిసరి..!! అయితే మాయిశ్చరైజర్ ఎక్కువగా ఉపయోగించద్దు అంటున్నారు డెర్మటాలజిస్ట్ నిపుణులు..!! మాయిశ్చరైజర్ ఎక్కువగా ఉపయోగిస్తే ఎటువంటి చర్మ సమస్యలు ఎదుర్కోవలసి వస్తుందో ఇప్పుడు తెలుసుకుందాం..!!
చర్మం అందంగా ఆరోగ్యంగా ఉండాలని మాయిశ్చరైజర్ రాయడం మంచిదే. అయితే అది మోతాదు మించితే.. చర్మంపై పేరుకుపోయి దుమ్ము, ధూళి ని గ్రహిస్తుంది. దాంతో చర్మానికి తగినంత గాలి అందదు. అందువలన చర్మం పొడిబారిపోయి నిర్జీవంగా కనిపిస్తుంది. సబేషియన్ గ్రంధుల నుంచి సీబమ్ ఉత్పత్తి అవుతుంది. దీని వలన చర్మం దానంతట అదే మాయిశ్చరైజర్ చేసుకుంటుంది. అదే మాయిశ్చరైజర్ ఎక్కువగా రాయడం వలన సీబమ్ ఉత్పత్తి తగ్గి చర్మానికి తగినంత న్యూట్రియెంట్స్ అందక చర్మ సమస్యలు వస్తాయి.
మోతాదుకు మించి మాయిశ్చరైజర్ వాడితే చర్మాన్ని డేంజర్ జోన్ లోకి నెట్టి నట్టే.. మాయిశ్చరైజర్ ఎక్కువగా ఉపయోగించడం వలన చర్మంపై పగుళ్లు, బ్లాక్ హెడ్స్, గడ్డలు వస్తాయి. అలాగే చర్మ కణాలు మూసుకుపోయి చర్మం మరింత పొడిగా మారుతుంది. బ్లాక్ హెడ్స్, వైట్ హెడ్స్ తో పాటు యాక్నే సమస్యలు వస్తాయి. చర్మం ఎర్రబడుతుంది. దద్దుర్లు వస్తాయి. అందువలన చర్మానికి తగినంత మోతాదులో మాత్రమే మాయిశ్చరైజర్ రాసుకోవాలి. 2 ML లేదా 5 ML కి మించి రాయకూడదు. ఎక్కువగా మాయిశ్చరైజర్ రాస్తే చర్మం పై పేరుకుపోయి పైన చెప్పుకున్న చర్మ సమస్యలు వస్తాయని గుర్తుంచుకోండి.